Биыл тұтынушыларға 88 млн теңге қайтарылып берілген. Оған себеп тұрғындардан келіп түскен шағым, тұтынушы мен қызмет көрсетуші, сатушы арасындағы түсінбеушілік. Осы негізде жауапты мекеме бірқатар тексеру жұмыстарын да жүргізген.
Тұтынушылар тарапынан түсетін шағым биыл біршама өскен. Оған себеп сауда қатынастарының артуы, азаматтардың құқықтық сауаттылығының артуы дейді жауапты сала басшысы. Өткен 10 айда тұтынушылардың құқығын қорғау департаменті жалпы 1605 өтініш қарапты. Бұл былтырмен салыстырғанда 23 пайызға көп.
Департамент жеке және заңды тұлғалардың өтініші негізінде он айда 280 нен астам тексеру жүргізген. Оның 220 сы жоспардан тыс. Сонымен қатар спикер сауда және интеграция министрлігі ішкі сауда ережелеріне өзгертулер енгізгендігін де айтты. Өзгерістер негізінен отандық өнімді қолдауға және әлеуметтік маңызы бар азық-түлік тауарларының бағасын реттеуге бағытталған.
Сонымен қатар бірінші, екінші, үшінші және төртінші санаттағы сауда нысандарында жалпы саудадағы тауар көлемінің 30 пайызы отандық өнімдермен қамтылуы тиіс. Бұл азық-түлік және азық-түлік емес тауар түрлеріне де қатысты.