Павлодар облысында азаматтарды өрт қаупінен қорғау шаралары әрмен қарай жалғасуда. Құтқарушылар бір ай бойы өрт қауіпсіздігі айлығын өткізді. Оның аясында бірқатар қауіпсіздік шаралары жүзеге асырылды.
«Өрт қауіпсіздігі айлығы» аясында төтеншеліктер үй-үйді аралап өрт қауіпсіздігін түсіндірген. Бұндай шаралар білім мекемелерімен бірлесіп оқушылар арасында да өткізіліпті. Сонымен қатар, іс-тәжріибелік шаралар да ұйымдастырылған.
Бүгінде датчиктерге баса мән берілуде. Әр үйге, әсіресе жер үйде тұрып, пеш жағатын азаматтар үшін осынау улы газ, түтін тараған жағдайда сигнал беретін құрылғыны орнату міндеттелді десе де болады.
Датчиктер осал топтағы отбасыларға мемлекет қаражатымен орнатылады. Ал, өзге тұрғындар сатып алуы керек. Бағасы екі жарым мың теңге шамасында. Ал, жаңадан салынатын үйлердің жобасына міндетті элемент ретінде енгізілді.
Биылғы жылу маусысымда жеке секторда 22 өрт оқиғасы тіркеліпті. Өкінішке қарай 3 адам қайтыс болған.