Павлодар қаласында экология, тарих, туризм және туған өлкені тануға арналған зерттеу әрі шығармашылық жобалар конференциясы өтті. Шара барысында оқушылар секциялар бойынша өз жұмыстарын қорғап, зерттеу нәтижелерін көпшілікке ұсынды. Толығырақ – алдағы сюжетте.
Биыл конференция 5 күнге созылды. Ұйымдастырушылардың айтуынша, бұл жоба жас зерттеушілерге шабыт беріп, олардың ғылымға, тарихқа және экологиялық ағартушылыққа деген қызығушылығын арттыра түседі.
Ирина Ефимова, балалар-жасөспірімдер экология және туризм орталығының әдістемелік кабинетінің меңгерушісі
«Менің Отаным – Қазақстан» конференциясы биыл «Адал Азамат» мемлекеттік бағдарламасы аясында өтіп отыр. Шараның негізгі мақсаты – оқушыларды өңір тарихын тереңірек зерттеуге ынталандыру. Қатысушылар 5 секция бойынша өз жұмыстарын қорғауда. Олар: «Экология және біз», «Зерттеу жұмысы», «Өз өлкеңді танып біл», «Тарихи бесігі – музей», «Ғылымға бастапқы қадам».
Қатысушылардың бірі — Мағжан Жанболатұлы. Ол «Тарихи бесігі – музей» секциясы аясында өз жұмысын қорғады.
Мағжан Балтабай, қатысушы
– Видео түсірдім, ол видеода осы мешіттің біздің өңірдегі тарихи мәдени орын екенің көрсеттім. Ол видеоны досыммен бірге түсіргенмін.
Айта кетейік, ғылыми-тәжірибелік конференция дәстүрлі түрде жыл сайын өтеді. Биыл ол 25-ші рет ұйымдастырылып, жас зияткерлерді бір алаңға жинады.
Байтұрсын Жұмабай