Білікті хирург-анестезиолог Айна болашақ күйеу жігітінің соңынан облыстық ауруханаға жұмысқа орналасады. Әділ бұл өзгерістерге қуанып, сүйіктісіне сөз салады. Бірақ бұл ауруханада олардың махаббаты мен мансабына қауіп төніп тұр. Оқиға қалай өрбімек?

Сериал «Q-елі» жобасы арқылы көрерменнің сүйіктісіне айналған ақкөңіл жігіт Тайлақ туралы хикаяның жалғасы. Тайлақ – қарапайым қазақ отбасының бір мүшесі. Қатал ана келінді өзі іздейді. Анасының арпалысы аяқталып, Тайлақ үйленеді. Енді отбасы мүшелеріне бір шаңырақ астында тату-тәтті өмір сүру үшін ортақ тіл табысуы қажет. Адуын ене мен жас келін арасындағы қарым-қатынас, отбасының қызықтары мен шыжықтары сериалда көрініс тапқан.

Қаладан келген Жесур сол ауылдың сұлуы, ауқатты адамның қызы Сүйіпханмен танысады. Көрікті бойжеткен мен сымбатты жігіттің таныстығы махаббатқа ұласады. Алайда екеуі білмейтін құпия нәрсе көп, айналасы өшпенділікке толы. Екі әулет те жастардың қосылуына қарсы шығады. Осылайша Жесурдың қаладан не үшін келгені де мәлім болады.

Адам баласы жаралғалы бері отбасы, махаббат және достықтың қадірін білген. Бұл құндылықтар өзіңмен бірге туатын қасиет.

Ауыл жастарының өмірі туралы мелодрама жанрында түсірілген отандық телехикая. Басты кейіпкер Расул тағдыр дайындаған сынақтардан өтіп, шын мәнінде өмірде не маңызды екенін түсінуге тырысады. Ол қаладан ауылға көшкен кезде үлкенге деген құрмет, махаббат пен мейірімділікке толы жүрек, мықты отбасы құру - бұл нағыз маңызды рухани құндылықтардың бірі екенін түсінеді. Расул еңбекқор, адал адамдармен танысып, олар үшін адамгершілік қасиеті аса маңызды екенін байқап, осы қасиеттерін жоғары бағалайды .

Мемлекет басшысы Қасым-Жомарт Тоқаев Қазақстан полициясының 30 жылдығына орай өткен жиында полиция қызметкерлерінің тәуекелі көп жұмысына тоқтала келіп, «бүгінгі таңда тек қылмыспен күресу аздық етеді, азаматтардың қауіпсіздігін қамтамасыз ету, ең бастысы полицияның адамдарға бейімделуі маңызды», деген болатын. Басты кейіпкер арқылы полицияның қарапайым азаматтардың қауіпсіздігі үшін күресетінін, тәртіп орнату жолында қиын сәттерді басынан кешіретінін көрсету телехикаяның басты мақсаты.

«Абысындар» комедиялық телехикаясы бір үлкен отбасының үш келіні – абысындардың өмірін баяндайды. Телехикаяның басты кейіпкерлерінің жас аралықтары, әлеуметтік жағдайлары әртүрлі. Олар қазақы салт-дәстүрді қатаң ұстанатын шаңыраққа келін болып түскен. Ал, енелері ұлдарының еншілерін бермей, олардың бір шаңырақтың астында тұруын қатаң талап етеді. Уақыт өте келе абысындар туған әпкелі-сіңлілердей болып кетеді. Абысындар әр бөлімде тек жұмылып қана шешуге болатын түрлі жағдайларға тап болады. Ал, қатал ененің көңілі келіндеріне тола бермейді, оларды өзгертуге тырысады, қысқасы, қаланың ақсаусақ қыздарын мінсіз келін еткісі келеді. Қызықты туысқандық кикілжіңдер, бүгінгі таңдағы ене мен келін қарым-қатынасы, отбасылық сүйіспеншілік – осының бәрі жаңа телехикаяның өзекті тақырыптары. Телехикая мақсаты – берекелі отбасы ошақ қасынан басталатынын, ырыстың түбі – бірлік пен өзара сыйластықта екенін көрсетіп, қазіргі заманда отбасылық деңгейде туындап жататын мәселелерді әзіл арқылы жеткізу.