18 тамыз Қазақстан шекарасының құрылған күні. Мемлекет шекарасын құру туралы жарлыққа 1992 - жылы қол қойылды. Осы уақыт аралығында шекара сарбаздары ел іргесін бекем ұстап, міндеттерін абыройлы атқаруда. Атаулы күнге орай салтанатты шара өтіп, оған біздің түсірілім тобы да қатысып қайтты.
Еліміз 5 мемлекетпен шектесіп, достық пен татулықтың ерекше үлгісін көрсетіп отыр. 15 мың шақырымнан асатын шекара бойында антқа берік, рухы асқақ қыз-жігіттер еңбек етуде. Жақын арада осы қырағы қызмет иелерінің төл мерекесі. Мереке қарсаңында 30 әскери борышкер елеулі қызметі үшін ал 10 азамат ынтымақтастығы үшін марапатталды.
Айта кетсек салтанатты шараға арнайы шақыртылған 200 қонақ қатысты.
Жастайынан жүректері елі үшін деп соққан әрбір шекарашы азаматымыз үшін осы бір мерекенің алатын орны бөлек дейді Асылхан Мундыинов.
Марапаттау барысында 25 жылдық қызметі үшін 2 шекарашы медаль иеленіп, 1 құнды сыйлық табысталды. Салтанатты жиын соңы мерекелік концерттік бағдарламамен жалғасты.
САЛТАНАТ БАУЫРЖАНҚЫЗЫ, АЛЕКСЕЙ МЕХЕДОВ ЕА