Бүгін елордада Сенат жанындағы мәслихаттармен өзара іс-қимыл жөніндегі кеңестің кеңейтілген отырысы өтті. Секциялық және пленарлық сессияларда Парламент және мәслихат депутаттары, Үкімет мүшелері, шетелдік және қазақстандық сарапшылар Мемлекет басшысының мәслихат депутаттарының II республикалық форумында және Ұлттық құрылтайдың IV отырысында белгілеген міндеттерін талқылады. Сондай-ақ, сенаторлардың мәслихат депутаттарымен өзара іс-қимылын одан әрі жандандыруды, жергілікті орган өкілдері қызметінің өзекті мәселелерін шешу және өңірлердің дамуына жәрдемдесудің маңыздылығы туралы сөз болды.
Жиынға барлық деңгейдегі мәслихаттың төрағалары қатысты. Басқосудың негізгі мақсаты сенат депуттаттарымен және жергілікті депутаттардың ынтымақтастықты артыру. Яғни, бірлесіп жұмыс істеу. Отырыстың алғы сөзін алған Сенат Төрағасы Мәулен Әшімбаев 30 жыл ішінде мәслихаттар еліміздегі басқару жүйесінің институционалдық архитектурасының ажырамас бөлігіне айналғанын атап өтті.
Мәулен Әшімбаев - Қазақстан Республикасының Парламенті Сенатының Төрағасы
Мемлекет басшысы қолға алған соңғы саяси реформалардың арқасында осы жылдары мәслихаттардың рөлі айтарлықтай нығайды. Бұл өзгерістер күшті Президент, ықпалды Парламент,есеп беретін үкімет атты мемлекеттің жаңа формасына сәйкес жүзеге асырылды. Президентіміз мызғымайтын үш тағы бір белгісі жауапты жергілікті басқару екенін талай мәрте айтқан болатын. Сондықтан аталған қағидат аясында мәслихаттарға маңызды міндет жүктелетіні сөзсіз.
Кеңейтілген отырыста халық қалауларының құзырет деңгейін арттыру, мәслихаттардың экономикалық және қаржылық өкілеттіктерін кеңейту және олардың өңірлік саясатты қалыптастыру жайында айтылды. Бұған қоса қойылған міндеттерді іске асырып, сондай-ақ жалпыұлттық міндеттерді шешуге белсенді қатысуын қамтамасыз ету мәселелерін талқылау үшін пәрменді алаңға айналды. Біздің өңірден қатысқан делегаттар осындай бас қосу ел әлеуеті үшін аса маңызды екенін атап өтті.
Илья Теренченко, облыстық мәслихат төрағасы
Біз, Павлодар облысынан мәслихат депутаттары Сенаттың үнемі офлайн, онлайн отырыстарына қатысамыз. Яғни, біз Сенат комитеттерімен тығыз байланыстамыз. Облыс аумағы бойынша ерекшелігі бар мәселелерді біз Сенаттағы комитеттер арқылы көтереміз.
Кездесулерге қатысушылар секциялық отырыстар аясында көтерілетін тақырыптардың өзектілігіне де назар аударды. Бұл өңірлердің, агроөнеркәсіптік кешеннің, ауылдық аумақтардың және қоршаған ортаны қорғаудың экономикасын, сондай-ақ жергілікті жерлерде әлеуметтік саясат пен инклюзивті қоғамды дамыту мәселесі айтылды.
Әйгерім Тоқпанқызы