Бүгінде қиын еңбекті оңай еңсеріп жүрген әйелдер қауымы қатары да баршылық. Солардың бірі , ерлермен бірге еңбек етіп, біздің облыс орталығын жылумен және ыстық сумен қамтамасыз етіп жүрген жандар бар. Толығырақ алдағы сюжеттен көрейік.
Дәстүр бойынша энергетика тек ер адамдардың саласы деп ойлаймыз. Алайда, мұнда әйелдер қауымыда жұмыс істеп келеді. Мәселен Павлодардағы 3-ЖЭО-нда жұмысшы 152 әйел бар. Солардың бірі — химиялық цехтың ауысым бастығы Наталья Малинина. Оның жұмыстағы басты міндеті жоғары қысымды котелдерға арналған суды дайындап, тазарту және жабдықтың үздіксіз жұмысын қамтамасыз ету болып табылады.
Наталья Малинина, химия цехының ауысым басшысы
Бізде үш схема бар: натрийлік, химиялық ағынды тазарту және тұтынушылардан қайтарылған конденсатты қайта өңдеу. Ұжым әйелдерден тұрады. Әрине жұмыс зиянды әрі ауыр, мына химиялық реагенттер бәрі әсер етеді, бірақ ауысыммен істейміз
Оның еңбек өтілі 35 жылды құрайды. Еңбек жолын 18 жасында бастаған, содан бері мол тәжірибе жинап, нағыз білікті маманға айналды.
Наталья Малинина, химия цехының ауысым басшысы
Бір кездері қолымды бір сілтеп, басқа жұмысқа кетсем бе деп ойладым. Тіпті мұнда 5-7 жыл өтсе де, адамдар қайта оралып жатты, сұраныс әрқашан бар. Міне қазір де жастар қызығады, сұрайды, үйренгілері келеді. Сондықтан мен жұмысымды мақтан тұтамын, бәрі ұнайды
Екінші кейіпкеріміз — Зумара Кулькимбаева. Ол техник, кәсіпорындардағы бақылау-өлшеу құралдарын және автоматтандыру жүйелерін орнату, баптау, қызмет көрсету және жөндеумен айналысады. Бір күнде бір қызметкер 4 түрлі датчикті жаңартады екен.
Зумара Кулькимбаева, жөндеу және қызмет көрсету жөніндегі электр слесарі
Біздің цехта бір әйел зейнетке шығып, маған осы жұмыс ұсынған еді. Келістім, дереу қабылдады. Мен бірнеше жыл манометрлермен жұмыс істедім. Содан кейін датчиктерге ауысуды шештім, негізінен бұл жұмыспен ер адамдар айналысатын. Қазір датчиктер мен құралдар электронды. Көптеген жастар келеді, тіпті ауыстыру мүмкіндігі бар, мен зейнетке барғанда ешқандай қиындық болмайды деп ойлаймын
Зумара Кулькимбаева жазда зейнетке шығады. Ұзақ жылдар үздіксіз еңбек еткен ол енді отбасына көбірек уақыт бөліп, сүйікті хоббилерімен айналысуды қалайды.
Зумара Кулькимбаева, жөндеу және қызмет көрсету жөніндегі электр слесарі
Немерелерім демалыс күндері келеді. Оларды бассейнге, гитараға апару керек. Қазір өзім де домбыра курсына қатысып жүрмін, 3 ай болды. Барлық туыстарым «қартайғанда домбыраға баруды ұйғардың ба?» деп күліп, сұрап жатады. Бірақ маған ұнайды. Ән айтып, би билегенді жақсы көремін. Жақында лезгинкаға үйренгім келіп жүр.
Айта кетейік, «Павлодарэнерго» компаниялар тобының кәсіпорындарында жалпы 4 мыңнан астам қызметкер жұмыс істейді. Олардың 1 599-ы — әйелдер. ӘОлардың орташа жасы — 44-ті құрайды.
Қымбат Садық