«Ертіс» футбол клубы биылғы маусымды бірінші лигада өткізеді. Жерлестерімізді алдағы бәсекеде не күтетінің әріптесім Байтұрсын Жұмабай жаттығу барысында біліп қайтты.
Бірінші лиганың басталуына тура бір апта уақыт қалды. Қазір өңірлік команда жүйелі түрде дайындығын жүргізуде. Бірінші турда Ертіс өз алаңында Екібастұз командасымен ойын өткізеді. Топтың дайындық деңгейін жуырда тағайындалған бас бапкері Қайрат Нұрдаулетов айтты.
ҚАЙРАТ НҰРДӘУЛЕТОВ, «ERTIS» ФУТБОЛ КЛУБЫНЫҢ БАС БАПКЕРІ
Деңгей жағынан мен біздің бірінші лигада бірінші рет жұмыс істеп жатырмын. Алдында іріктеу кезендерін көрдік. Оңай болмайды. Қарсыластардың барлығы қазір жақсы ойыншылармен қамтылған. Бапкерлері де жақсы. Осал немесе жай командалар жоқ.
Оған қоса, бас бапкер жанкүйерлер қолдауы команда үшін қаншалықты маңызды екенін ерекше атап өтті. Әсіресе, қиын сәттерде олар ойыншыларға күш-қуат береді.
ҚАЙРАТ НҰРДӘУЛЕТОВ, «ERTIS» ФУТБОЛ КЛУБЫНЫҢ БАС БАПКЕРІ
Бізді келіп қолдасын деймін. Мына Павлодардың стадионы өте киелі стадион ғой. Бес дүркін чепион болу онай емес. Павлодар футболды сүйетін қала екенің білеміз.
Қазір ойыншылар маусымға сақадай сай. Мәселен, премьер-лигада жақсы нәтижелерімен көзге түскен Әділхан Добай ұлттық құрама сапына оралу үшін Ертістің алаңында тәжірибе жинамақ.
Айта кетейік, 7 сәуір күні орталық алаңда жаңа құрамның таныстыру рәсімі өтеді. Ал бірінші лиганың төл ойындары, Екібастұз, Алматылық Қайрат-жас пен Ақтөбе арасында өтпек.
Байтұрсын Жұмабай