Қазақстан көп ұлттың тоғысқан мекені.Оның ішінде татулық пен бірліктің маңызды үлгілерінің бірі – поляк диаспорасы.Биыл «Полония» Павлодар облыстық поляк қоғамына 30 жыл толады. Айтулы дата Қазақстан халқы Ассамблеясының мерейтойымен де тұспа-тұс келіп отыр. Осы орайда «Полония» қоғамымен жақынырақ тілшіміз танысып қайтты.
Павлодар облыстық поляк қоғамы «Полония» – Қазақстандағы поляк диаспорасының маңызды ұйымдарының бірі. Ол өз қызметін 1994 жылы бастап, бүгінгі таңда облыстағы поляк мәдениетін сақтау және дамыту мақсатында үлкен жұмыс атқарып келеді.
ОЛЬГА ГЛАЗАЧЁВА, ПАВЛОДАР ОБЛЫСТЫҚ «ПОЛОНИЯ» ПОЛЯК ҚОҒАМЫНЫҢ ТӨРАҒАСЫ
Біздің қоғам поляк мәдениетін сақтау және дамыту мақсатында үлкен жұмыс атқарып келеді. 30-40 жылдары репрессия құрбандары болғандар да өте көп. Олардың ұрпақтары Қазақстанда тұрады, сондықтан поляктардың мұраларын сақтап, тұрып жатқан елдің қоғамдық өміріне елеулі әсер етіп келеді. Қазір бізде 100-ден астам адам бар.
Биыл «Полония» поляк қоғамына 30 жыл! Орталық ештеңеден тапшылық көрмей келеді, барлық жағдай жасалған. Қазір мұнда екі шығармашылық ұжым бар, олардың барлығы алдағы үлкен шығармашылық кешке дайындық үстінде.
ОЛЬГА ГЛАЗАЧЁВА, ПАВЛОЛАР ОБЛЫСТЫҚ «ПОЛОНИЯ» ПОЛЯК ҚОҒАМЫНЫҢ ТӨРАҒАСЫ
Әртүрлі қалаларға гастрольдік сапарларға барып тұрамыз. Қазір 30 жылдық мерейтойға дайындық үстіндеміз, оған Қазақстанның Польшадағы елшісі келеді деп күтілуде. Бәрі жақсы өтеді деп ойлаймыз, барша қала тұрғындарын күтеміз.
Осы орайда айта кетейік, Польша мен Қазақстан арасындағы байланыс та жақсы дамыған. Достық қарым-қатынасты тереңдету мақсатында елшілік тарапынан үлкен қолдау көрсетіліп отыр.
ОЛЬГА ГЛАЗАЧЁВА, ПАВЛОЛАР ОБЛЫСТЫҚ «ПОЛОНИЯ» ПОЛЯК ҚОҒАМЫНЫҢ ТӨРАҒАСЫ
Польшадағы Қазақстан елшілігі әрқашан қолдау көрсетеді, байланыс жақсы. Мәселен, мұндағы поляктардың өз тарихи Отанына оралуына арналған бағдарлама бар, ол үлкен мүмкіндік. Бірақ, біз бәрі керісінші болғанын қалаймыз. Яғни, поляктар Қазақстанға көптеп келіп, осы елдің эконмикасын нығайта түссе деген ой бар. Сондай-ақ, ел мәдениеті де өркендей түспек.
Көпұлтты бауырына басқан қазақ халқының осынау кеңпейілдігі мен жақсылығына поляктар өз алғыстарын осылай білдіреді.
Қымбат Садық