Павлодар облысы әкімінің кезінде сатылып кеткен резиденциясы мемлекетке қайтарылды. Нысан Баянауылдағы Жасыбай көлінің жағасындағы демалыс айлағында орналасқан.
Меншік иесі бастапқы бетте сенімгерлік басқаруға алып, кейін 161 млн. теңгеге сатып алады. Іле «Jasybai Resort» деп атын өзгертіп, элиталық демалыс үйіне айналдырды. Алайда табиғатты қорғау прокуратурасы 1600 шаршы метрлік ғимарат нарықтағы құнынан анағұрлым арзанға сатылды және Павлодар облысының қаржы басқармасы заң бұзды деп сотқа берген болатын. Сотта мемлекет меншігіндегі нысан заңсыз сатылғаны дәлелденіп, жеке кәсіпкерден кері қайтарып алуға шешім шығарылды. Алайда заңды күшіне еңген шешімнің орындалуы екі жылға созылды.
ДАНИЯР КӘУКЕНОВ СЫБАЙЛАС ЖЕМҚОРЛЫҚҚА ҚАРСЫ ІС-ҚИМЫЛ ДЕПАРТАМЕНТІНІҢ БАСҚАРМА БАСШЫСЫ
Сотта жауап беруші тарап ғимараттан бөлек айналадағы жер телімдерін рәсімдеп алған екен. Ол заңды ма? Соны да тексеруге тура келді. Бүгінгі күні бәрі реттелді. Наурыздың 26 күні облыс әкімі нысанды комуналдық меншікке қайтару жөніндегі қаулыға қол қойды. Бұл сот шешіміның орындалғанының айғағы.
Ғимарат Баянауыл ауданы әкімшілігінің балансына берілді. Жергілікті атқарушы орган қазір нысанды кәсіпкерден қабылдап алып жатыр. Болашақта элиталық демалыс үйін жалға беру немесе оқушылардың қысы-жазғы лагерін жасақтау сынды жобалар қарастырылмақ.
Қымбат Садық