Елімізде 2022 жылдан бастап «Ауылдық аймақтардағы тірек мектептердің әлеуетін дамыту» жобасы іске асып келеді. Биыл жобаның 3-ші кезеңіне аудан мен моноқалаларда орналасқан 56 мектеп енді. Олардың қатарында Ақтоғай ауданы Абай атындағы жалпы орта мектебі бар. Онда жөндеу жұмыстары жүргізіліп, жаңа кабинеттер пайда болды.
Бұл жобаның негізін қалаушы – «Қазақстан халқына» қоры мен , «Білім беру саласын тұрақты дамыту» ұйымы. Басты мақсат білім беру ісінде қала мен ауыл арасындағы алшақтықты азайту ,оқушыларға бірдей мүмкіндік жасау. Жоба мұғалімдердің біліктілігін арттыру және ауыл мектептерінің материалдық базасын жаңарту бағытын көздейді. Бұл арқылы 2022 жылы 17 мектеп, 2023 жылы 62 мектеп қосылды. Оның ішінде Ақтоғай ауданындағы Абай атындағы мектебі де бар.
Сондай-ақ, мектептің материалдық базасы толық жаңартылды. Атап айтсақ, мектеп кіре берісінде демеушілік қабырға, ресепшн, екі орындық пуфиктар және шексіз бағдарламалық жасақтамасы бар. Aqparat киоскі орнатылды. Осы жоба барысында оқушылар республикалық конкурстарға қатысып, жүлделі орындарды иеленіпте үлгерді.
Сонымен қатар, ұлдарға арналған инженерия және спорт зал толық жабдықталды. Мектеп ғимаратының 2 қабатында 8 бастауыш сынып кабинеттері, мектепалды даярлық, музыка, информатика, робототехника кабинеттері, 2 ағылшын тілі кабинеті, 1 орыс тілі кабинеті, қыздарға арналған технология кабинеті және ас үй, қыш шеберханасы, STEM зертханасы, психолог кабинеті және акт залы орналасқан. Бұл жоба биыл Шарбақты, Железин, Ақсу, Успен аудандарының мектептерінде жүзеге асарылмақ.
Дильназ Куанышбеков