Павлодар облысында техникалық және кәсіптік білім беру бағытында 33 колледж білім береді. 52 біліктілік бойынша мамандар даярланады. Бүгін баспасөз мәслихатында жұмысшы мамандықтарын даярлау ісі қаншалықты алға озғандығы, қандай оң өзгерістер болып жатқандығы айтылды.
Жыл сайын жұмысшы мамандықтарға сұраныс артуда. Сондықтан, бұл салаға мемлекеттік тапсырыс көлемі де ұлғайған. Алдағы жылдары да тапсырыс көлемі арта бермек.
Кәсіптік білім беру саласының өз өңірімізде дамуына ең әуелі жергілікті кәсіпорындар мен компаниялар мүдделі. Сондықтан, оларда әр түрлі тәсілдермен әріптестік орнатуда. Әр түрлі компаниялар мен кәсіпорындармен құрылған серіктестік аясында 574 млн теңге сомасына метриалдық-техникалық база жаңарған. Қазір колледждер білім сапасын арттырып, халықаралық аккредидациядан өту үрдісін бастауда.
Жұмысшы мамандықтар нарыққа қажет. Ал, нарықты жұмыс орындар көп компаниялар жеткілікті. Соңғы жылдары сол кәсіпорындар мен компаниялар колледждермен бірлесе мамандар дайындау ісін қолға алған.
Білім берудің қолданыстағы стандарты бойынша қазір бір маманды дайындауға 912 мың теңге бөлінеді. Ал, халықаралық стандартқа көшкен кезде сома миллион теңгеден асады.
Жанасыл Серікбол