Өңірде күнделікті тұтынатын азық-түлік бағасы 2 пайызға қымбаттады. Пияз, тұз, қант және қырыққабат бағасы үстемелене түсті. Мемлекет қолдау тетіктері арқылы төмендетуге тырысқанымен, қымбатшылықтың қарқынын тежеу мүмкін болмай отыр. Азық-түлік бағасын бақылап қайтқан тілші материалында.
Өңірімізде 206 әлеуметтік дүкен бар. Бұл сауда орындарына тауар тұрақтандыру қорынан тасымалданады. Өнімнің сауда үстемесі 10 пайыздан аспайды. Қордан қант 410 теңгеден саудаланады. Дүкен сөресіне 451 теңге болып жеткізіледі. Сұйық май 648 болса, дүкенде 713 теңге. Ал бірінші сұрыпты ұн бағасы 154 теңге болып сатылып тұр. Тұтыну тауарларының құны 1,5- 2 пайызға өсті.
РАШИД КӨКІШЕВ, ПАВЛОДАР ОБЛЫСЫ КӘСІПКЕРЛІК ЖӘНЕ ИНДУСТРИЯЛЫҚ-ИННОВАЦИЯЛЫҚ ДАМУ БАСҚАРМАСЫ БАСШЫСЫНЫҢ ОРЫНБАСАРЫ
Бүгінгі күні қырыққабат пен пияздың бағасы қымбаттауы тіркелуде. Ол 1,7 пайызға. Сұраныс бар бірақ ол уақытында әлеуметтік тұрақтандандыру қорынан уақытында әлеуметтік дүкендерге жеткізіледі. Келісім шарт бойынша. Баға тұрақты. Халықта сұраныс болғанымен Уақытында жеткізілуде. Бүгінде қант пен тұздың бағасы да тіркелуде. Ол 1,8 пайызға жоғарлау. Уақытында жұмыстар барлығы атқарылады.
Күнделікті тұтыну тауарлары қорда жеткілікті деп сендіріп отыр мамандар. 1 500 тонна қант, 432 литр күнбағыс майы, макарон өнімдері, 1 - сұрыпты ұнның 1 250 тоннасы бар. Бірақ көкөніс жағдайы тұрақты емес. Пияз бен қырыққабат оңтүстік өңірлерден жеткізіледі екен. Шаруа қожалықтармен жасалған меморандум аясында тауар дүкендерге уақытымен жеткізіліп отыр. Қырыққабат, 157 теңге ал пияз бағасы 92 теңге мөлшерінде әлеуметтік дүкендерде саудаланады.
АЗАМАТ ДАНДЫБАЕВ, «ПАВЛОДАР» ӘКК АҚ АЗЫҚ-ТҮЛІК ҚАУІПСІЗДІГІ ДЕПАРТАМЕНТІНІҢ ДИРЕКТОРЫ
Тұрақтандыру қорында көкөніс өнімдері бар. Ол өндірушілердің ауылшаруашылық тауарларында сақталады. Серіктестер дүкендерге өтінімдер түскен кезде біз сауда нүктелеріне өзіміз тасымалдаймыз. Пия, Тараз қаласынан, қырыққабат, Түркістан облысынан жеткізіледі.
Осы орайда біз түсіруші топпен қала орталығындағы сауда орындарындағы азық-түлік бағасын бағамдап қайттық. Қымбатшылық қалтаны қағып тұр дейді тұрғындар.
Құс еті мен тұз бағасы шарықтағаны байқалады. Ал жұмыртқа мен сәбіз 2-3 теңгеге арзандаған екен. Тұрақтандыру қоры сауда орындарында баға деңгейін үнемі бақылауда ұстайтындықтарын айтады.
Әйгерім Тоқпанқызы