Биыл белгілі ақын, әнші-композитор, жерлесіміз Иса Байзақовтың туғанына 125 жыл. Осыған орай Бұқар жырау атындағы әдебиет және өнер музейінде «Дауылды жырдың дүлдүлі – Иса ақын» атты әдеби-музыкалық кеш өтті.
Иса Байзақов – халқымыздың мәдениеті мен руханиятына зор үлес қосқан дара тұлға. Ол - домбыра мен қаламды қатар ұстаған өнер иесі. Кештің басты мақсаты – жастардың әдебиет пен өнерге қызығушылығын ояту, ұлттық мұраны дәріптеу.
Абзал Рымбек, Бұқар Жырау атындағы әдебиет және өнер музейінің қызметкері.
Шара барысында Иса Байзақовтың өмірі мен шығармашылығы туралы кең ақпараттар беріліп, түрлі әндер орындалатын болады. Иса Байзақовтың айтылмай жүрген «Қалқан» әні, «Желдірмесі» және өңірімздің дәстүрлі әншілердің орындауында әдеби-сазды кешіміз әрлі өтеді деген ойдамын.
Шара барысында Иса Байзақовтың өмірі мен шығармашылығы жайында мазмұнды деректер айтылып, танымдық-тағылымдық ақпараттар берілді.
Айбек Оралхан, Қазақстан жазушылар одағының мүшесі.
Иса Байзақовтың өміріндегі ерекше атап өтетін дүние-Иса 18ші перзент болып отбасында дүниеге келген. Әкесі Байзақ пен анасы Ғазиза екеуі 18 баланы өмірге әкелген. Және ең кенжесі болып Иса атамыз өмірге келген екен. Былай Еуропа ғалымдары, ақын-жазушылардың барлығын саралап келген кезде, ең кенже перзент аса дарынды болып туатындылығы айтылады. Бұны енді қазір гендік инженерия ғалымдары зерттеп келе жатыр. Расында да қалай, неғұрлым ата-анасы тәжірибелі болса, өмірден көрген, түйгені көп болса, баланың гендік деңгейінде сол дүние беріледі деген ұғым бар екен. Осы Исаның өмірі осы қазіргі ғылымның жетістігінің тағы бір дәлелі, айғағы секілді.
Ақынның «Желдірмесі» мен бұрын көпшілікке беймәлім болып келген «Қалқа» әні көрермен назарына ұсынылды. Туындыларды өңірдің белгілі дәстүрлі әншілері орындады.
Кеш барысында «Бір сурет – бір өлең» атты қалалық сурет байқауының жеңімпаздары марапатталды. Бұл байқауға Павлодар қаласының мемлекеттік тілде оқитын 16-20 жас аралығындағы мектеп және колледж оқушылары қатысты.
Абзал Рымбек, Бұқар Жырау атындағы әдебиет және өнер музейінің қызметкері.
Байқауға «Бір өлең-бір сурет деген тақып бердік. Яғни, ақын өлең жазса, суретші сол өлеңнің сюжетін суретке түсіру керек болды. Сөйтіп командамен қатысқан болаиын. Бірақ суретшілер мен ақындардың жұмыстары жеке бағаланды.
Азамат Рымбеков, қатысушы.
Бір ай бұрын біздің сынып жетекшіміз Иса Байзақовтың сайысына қатысуға мүмкіндік бар екендігін айтты. Біз сыныптасымыз екеуміз осы сайысқа қатысуға бел будық. Осы сайыс бір айы бойы өтті. Мен өзім өлең айтып, ал досым сурет салды. Досым 2 жыл сурет салумен айналысады. Ал өзім өлең оқумен 3-4 жылдай айналысамын. Өлеңіміз Иса Байзақовқа арнау болып табылады. Ал суретке келетін болса, бұл жерге біз Иса Байзақовтың портретін салдық.
Шара соңында қатысушыларға алғыс хаттар мен бағалы сыйлықтар табыс етілді.
Сабина Жолдаспаева