Астанада First Lego Challenge робототехника чемпионаты өтті. Оған еліміздің түкпір-түкпірінен келген жас өнертапқыштар жиналды. Оқушылар өз жобаларын ұсынып, инженерлік дағдыларын көрсетті. Бұл байқауға Ақтоғай ауданының командасы қатысып, топ жарды.
Сайыс қаңтардың 25 мен 26-сі күндері өтті. Жарыста барлығы 60 команда, 800ден астам қатысушы болды. Биылғы чемпионаттың тақырыбы – «Су асты әлемі». Қатысушылар судың маңыздылығын, оны қорғау жолдарын және болашақта су ресурстарын тиімді пайдалану мәселелерін көтерді. Ақтоғайлық команда бұл тақырыпқа ерекше дайындықпен келді.
ҒАЛЫМ АУКЕБАЙ, «STEEL MIND» КОМАНДАСЫНЫҢ ЖЕТЕКШІСІ
Бұл жерде командының ішінде бірнеше тапсырмалар бар. арнайы алаңның үстінде белгілі бір уақыт ішінде тез орындау керек. Екінші тапсырма арнайы команданың жобасы бар, сол жобаны әділ-қазылар алқасына көрсету, презентация жасау. Одан кейін бидзона деп аталады. Сол бидзонада барлық жұмысты командалық жұмысты, жобаны көрсету керек. Ол жерде төрешілер біреуі бейджикпен келсе, екіншісі жасырын түрде келеді. Одан кейін бағаланатын нәрсе, роботтардың дизайыны. Олар роботтарды қай насадканы салғандығы туралы айтып беру керек. Одан басқа бағалау балалардың іші құндылықтары, яғни бір-бірімін сыйлауы, рефлексия жасауы.
Чемпионатта оқушылар өз жобаларын таныстырды. Олар логикалық ойлау, инженерлік білім және шығармашылық дағдыларын көрсетті. Командамен жұмыс істеу қабілеттері де байқалды.
АЙНАРА МУКИТОВА, «STEEL MIND» КОМАНДАСЫНЫҢ ҚАТЫСУШЫСЫ
Нақты біздің «су асты әлемі» мәселесі болғандықтан біз Қазақстандағы трансшекаралық өзендердің арасындағы ескі арна көлдерінің мәселесін атап өтіп, бұл мәселенің шешімін нақты көрсеткен болатынбыз.
Команданың басты ерекшелігі –символдық бейне. Бір қатысушы Аватар стиліндегі костюм киді. Ол жарыс барысында су әлемінің өкілі ретінде командаға қолдау көрсетті.
АЙСҰЛТАН ЕРҒАЛИЕВ, «STEEL MIND» КОМАНДАСЫНЫҢ ҚАТЫСУШЫСЫ
Біз аватар талисманын алдық. Себебі ол тақырыпқа келеді. Пандора жері, Наве халқын қараса, аватардың өзін қараса да су асты әлемі деген тақырыбы бар, осы тақырып сай болды. Сондықтан аватарды алдық.
Ақтоғай ауданының Steel Mind командасы гран-при иегері атанды. Алматы қаласында өтетін Ортаазиялық робототехника чемпионатында өңір намысын қорғайды. Айта кетейік, турнирдің ресми демеушісі Air Astana компаниясы командаға Германияға екі адамға жолдама табыстады.
САБИНА ЖОЛДАСПАЕВА