Павлодар облысының білім саласында жаңа олимпиада жұлдыздары жанды. Олар химия пәнінен үздік атанып, көрсеткішті жаңартты. Жеңімпаздарды №8 мектеп-лицейде қалай қарсы алды? Тілшіміз жалғастырсын.
Республикалық олимпиаданың жеңімпаздарын №8 лицейдің оқушылары мен ұстаздары осылай қарсы алды. Мектептің үш бірдей оқушысы химиядан Республикалық Сәтпаев олимпиадасында бақтарын сынады.
ГАУҺАР БАБЫҚОВА, ДАРЫНДЫ БАЛАЛАРҒА АРНАЛҒАН №8 МЕКТЕП-ЛИЦЕЙІНІҢ ДИРЕКТОРЫ
Ұлытау облысы Жезқазған химиядан республикалық олимпиадада біздің лицейістеріміз қатысып, Павлодар облысы құрама командасына кірді. Үш оқушымыз да үлкен нәтижелерге ие болды. Кравчук Ярослава абсолютті чемпион болды. Дәрия Бектұрсын алтын медаль иегері атанды. Лим Василий бірінші рет қатысып, қола медаль иегері атанды.
Осылайша Жезқазғанда өткен республикалық олимпиадада 9-11 сынып оқушылары қатысты. Жалпы еліміздің түкпір-түкпірінен 80 бала келген. Олимпиада екі кезеңнен тұрды. Нәтижесінде 11-сынып оқушысы Ярослава Кравчук абсолютті жеңімпаз атанды.
ЯРОСЛАВА КРАВЧУК, ДАРЫНДЫ БАЛАЛАРҒА АРНАЛҒАН №8 МЕКТЕП-ЛИЦЕЙІНІҢ 11-СЫНЫП ОҚУШЫСЫ
Біз өте тыңғылықты дайындалдық. Өзіміздің командамен мақтанамын. Тапсырмалар әрине қиын болды. Теориялық кезеңді жазып болғасын, практикалық кезеңді жасадым. Екінші маған ылғи қиын соғатын. Бірақ нәтижесіне қарағанда бәрі жақсы сияқты.
ДАРИЯ БЕКТҰРСЫН, ДАРЫНДЫ БАЛАЛАРҒА АРНАЛҒАН №8 МЕКТЕП-ЛИЦЕЙІНІҢ 10-СЫНЫП ОҚУШЫСЫ
Бұл олимпиада маған математиканы еске түсіруге көмектесті. Олимпиадаға қатысатындарға математика мен физиканы тастамауға кеңес беремін. Біздің мектепте дәл осы пәндер бойынша ұстаздар өте мықты.
ВАСИЛИЙ ЛИМ, ДАРЫНДЫ БАЛАЛАРҒА АРНАЛҒАН №8 МЕКТЕП-ЛИЦЕЙІНІҢ 9-СЫНЫП ОҚУШЫСЫ
Біріншіден бұл мен үшін үлкен мәртебе, Павлодар облысының республикада намысын қорғауға мүмкіндік алдым. Алға жоспарым республикалық құрамға ену, одан кейін әлемдік деңгейге шығу.
Осылайша Павлодар облысының командасы «Ең үздік олимпиадалық команда» атағын алып, кубокқа ие болды.
ИРИНА МОЛОКОВА, ДАРЫНДЫ БАЛАЛАРҒА АРНАЛҒАН №8 МЕКТЕП-ЛИЦЕЙІНІҢ ХИМИЯ ПӘНІНІҢ МҰҒАЛІМІ
Сіздер бұл олимпиадада керемет көрсеткіш көрсеттіңіздер. Оқу жылы енді басталды, жұмыс көп. Сондықтан сіздерге жеңіс тілеймін, ең бастысы денсаулық тілеймін.
Осылайша, облыстың білім саласында жаңа олимпиада жұлдыздары жанды.
Самал Қалиқызы