Кенжекөл ауылындағы отбасы үлгісіндегі балалар ауылында жаңа спорт залдары ашылды. Олимпиадалық спорт түрлеріне арналған бокс және дзюдо залдары мен тоғызқұмалақ үйірмесіне арналған кабинет балалар үшін жұмыс істейді. Бастама демеушілер қолдауымен жүзеге асып отыр.
Жобаның негізгі мақсаты- өскелең ұрпақ арасында салауатты өмір салтын насихаттап, жетістіктерге жетелеу. Бұған демеушілер қолдауы ерекше үлес қосты. Спорт залдары балалардың физикалық дамуына ғана емес, болашақ чемпиондарды тәрбиелеуге негіз болмақ.
АЗАМАТ ИМАШЕВ, ПАВЛОДАР ОБЛЫСЫ ДЕНЕ ШЫНЫҚТЫРУ ЖӘНЕ СПОРТ БАСҚАРМАСЫНЫҢ БАСШЫСЫ
Бұл жерде ең бастысы адами құндылықтарға спорт арқылы тәрбиелеп балаларды әрі қарай спорт интернатына оқуға түсіріп, жарстарға шығарып. Спорт арқылы өмір жолын ашу. Осы жерде осы спорт секцияны бастасақ онда алдымызда талай чемпиондар шығады деп сенемін, қамқорға аламыз.
Кенжекөл балалар ауылының тәрбиеленушілері үшін енді спортпен айналысу бұрынғыдан да қолжетімді болды. Бұған дейін мұнда грэпплинг, шахмат, велоспорт үйірмелері жұмыс істеген. Енді балалар бокс және дзюдо сынды олимпиадалық спорт түрлерімен айналыса алады.
АЙЖАН ШАМҒАЛИЕВА, КЕНЖЕКӨЛ АУЫЛЫ ОТБАСЫ ҮЛГІСІНДЕГІ БАЛАЛАР АУЫЛЫНЫҢ БАСШЫСЫ
Бізде балалар спортпен мектеп бағдарламасы аясында айналысады. Шахмат кабинеттері бар. Осыдан 3 жыл бұрын бізде грэпплинг секциясы ашылды. Велоспорт та маңызды орын алады. Бірақ осы уақытқа дейін арнайы бокс залы да, дзюдо залы да болмаған еді. Бұл жерде бізге үлкен көмек көрсетілді: тек жөндеу жұмыстары ғана емес, қажетті жабдықтар да толық орнатылды – боксқа арналған грушалар, дзюдоға арналған кілемдер және басқа да қажетті құралдар жеткізілді.
Жеткіншектерді кәсіби спортшылар шынықтырады. Тәжірибелі мамандар балаларды кәсіби деңгейде дайындап, олардың болашақта жоғары жетістіктерге жетуіне жол ашады.
АЗАМАТ ИМАШЕВ, ПАВЛОДАР ОБЛЫСЫ ДЕНЕ ШЫНЫҚТЫРУ ЖӘНЕ СПОРТ БАСҚАРМАСЫНЫҢ БАСШЫСЫ
Бұл бізде балалар қалашығында ашылып жатқан спорт секциялары бұл олимпиадалық секция түрлері, дзюдо, бокс және тоғызқұмалақ. Бұл проект бізде пилоттық жоба деп аталады. Себебі бұл тек қана секция түрлері ғана емес бұл балалар әрі қарай мектпке колледжге түсіп өз жолдарын спортта ашады. Бізге барлығы көмектесіп, бапкерлерімен сөйлесіп, бастап жатырмыз.
Бұл күні балаларға бокс қолғабы мен кимоно сыйға тарту етілді. Айта кетейік, бұл орталықта республикалық турнирлердің жүлдегерлері мен грэпплингтен Азия чемпиондары бар. Енді жаңа залдар олардың жетістіктерін одан әрі шыңдауға мүмкіндік береді.
Сабина Жолдаспаева