Демалыс күндері төтенше жағдайлар қызметіне түрлі сипаттағы 24 шақырту түскен. Жалпы, құтқарушылар қалай жұмыс істеді? Экранға зер салайық.
Мереке күндері төтенше жағдайлар қызметіне 24 шақырту түскен. Оның ішінде техногендік сипаттағы 5 төтенше жағдай, 5 өрт оқиғасы, 12 жану тіркелген. Сондай-ақ, кезекшілер 7 авариялық құтқару атқарған. Онда 2 адамға көмек көрсетілген. Бұдан бөлек, құтқарушылар Екібастұз қаласында да тыңғылықты жұмыс істеді.
ДАМИР ӘБІЛҚАЙЫРОВ, ТЖД ЖОСПАРЛАУ ЖӘНЕ ЖЕДЕЛ БАСҚАРУ ОРТАЛЫҒЫ БАСТЫҒЫНЫҢ МІНДЕТІН АТҚАРУШЫ
31 желтоқсан күні Екібастұз қаласы, Мәшһүр Жүсіп көшесіндегі үйде есепте тұрған әйел адам есігін біршама уақыт ашпаған. Құтқарушылар арнайы құрылғымен есікті ашып, әйел адамға көмек беру үшін медицина қызметкерлеріне жеткізді. Бұдан бөлек, 2 қаңтар күні Павлодар қаласында әйел адам көпқабатты үйдің бесінші қабатында орналасқан пәтерінің терезесінен, ғимараттың төбесіне құлап түскен. Құтқарушылар дереу арада жетіп, альпинистік жабдықтың көмегімен түсірген. Жағдайы ауыр. Жедел жәрдем бригадасына тапсырылды
Айта кетейік шақыртулар барысында жазатайым оқиғалар тілкелген жоқ. Төтенше жағдайлар қызметкерлері күшейтілген режимде жұмыс істеді.
Қымбат Садық