Екібастұз қаласының құтқарушылары самса сататын дүңгіршектен екі газ баллон алып шықты. Зардап шеккендер жоқ, өрттің себебі анықталуда.
Тілсіз жау кеше 5 қаңтар күні түңгі сағат он бір жарым шамасында шыққан.
2025 жылғы 5 қаңтарда сағат 23.38-де Екібастұз қаласындағы Мәшһүр Жүсіп көшесінде орналасқан дүкенде өрт шыққандығы туралы хабарлама келіп түсті.
Өрт орнына дереу өрт сөндірушілер жіберілді, 60 шаршы метр алаңындағы дүкенде жиһаз, тұрмыстық техника, сөрелердің жанғанын анықтады.
Өртті сөндіру барысында өрт сөндірушілер 27 литрден 2 газ баллонын шығарды.
Өрт сөндірушілердің үйлесімді және жедел әрекеттерінің арқасында өрт сағат 00:11-де толықтай жойылды. Зардап шеккендер жоқ, өрттің себебі мен залалы анықталуда.
Әйгерім Тоқпанқызы