«Таза Қазақстан» экологиялық акциясы аясында басталған «Жасыл Орман-Жас Ұрпақ» атты жоба Шарбақты ауданында жалғасты. Онда оқушылар қарағай дәнін екті. Толығырақ алдағы сюжеттен көрейік.

 «Жасыл орман-жас ұрпақ» жобасы жас ұрпақты табиғатқа қамқорлық жасап, экологияның маңызын түсіндіруге негізделген. Шарбақты ауданында өткен экологиялық акцияға 22-і мектептің оқушылары қатысты. Олар қарағайдың алғашқы 200 партиясы тұқымын егіп, оны күтіп ұстау ережелерімен танысты.

НИНА ДРИБАС, ШАРБАҚТЫ АУДАНЫНЫҢ БІЛІМ БЕРУ БӨЛІМІНІҢ ӘДІСКЕРІ

Әр аудан өз мектебіне 120 тұқым алып кетеді. Жалпы 3 мыңға жуық қарағай дәнін егу жоспарда бар . Бізде мұндай шара алғаш рет өтіп отыр. Бірақ табиғатты қорғау, тазалық сақтау экологиялық акциялар жиі өтеді. Оған аудан мектептері белсенді атсалысады.Айта кетейік шарамызға биологтар қатысады, шеберлік сағаттарын көрсетеді. Оқушылар еккен тұқым 2026 жылы отырғызылады. Оған дейін оны балалар өздері күтіп-баптайды. Әрине билогия пәні мұғалімдері бақылауда ұстап, сақтауға тырысады.

Қарағай дәнін егу әдісін «Ертіс орманы» табиғи резерватының мамандары көрсетті. Олар Шарбақты ауданының оқушыларына болашақта үлкен ағаштарға айналатын 2710 тұқым берді. Бастапқыда оқушылар стақандарға тұқым септі. Тамыр алғаннан кейін ағаш жерге егіледі.

МАРАТ АМАНОВ, "ЕРТІС ОРМАНЫ" ТАБИҒИ РЕЗЕРВАТЫНЫҢ ШАЛДАЙ ФИЛИАЛЫ БАСШЫСЫНЫҢ ОРЫНБАСАРЫ

Алдымен оқушылармен әңгімелесіп, шағын мастер-класс көрсетеміз. Бұл тұқымдар біздің конус кептіргіштен алынды. Акция қоршаған ортаны көгалдандыруға үлкен септігін тигізеді

Сонымен қатар, акция аясында оқушылар "Ертіс орманы" табиғи резерватының жұмысы, ондағы өсімдіктер мен жануарлар әлемі туралы мәлімет алды.

НАТАЛЬЯ МОРОЗОВА, №2 НЕГІЗГІ ЖАЛПЫ БІЛІМ БЕРЕТІН МЕКТЕПТІҢ ОҚУШЫСЫ (ШАРБАҚТЫ АУДАНЫ)

Менің ойымша, экология тазалығы әрбір адамға маңызды. Мұндай шаралар туған өлкемізді көгалдандыруға, жерімізді қорғау үшін маңызды. Бүгін отырғызған қарағай тұқымының болашақта берер пайдасы да көп болады деп ойлаймын 01.14

ІЛИЯС ЖЕДОУОВ, №2 НЕГІЗГІ ЖАЛПЫ БІЛІМ БЕРЕТІН МЕКТЕПТІҢ ОҚУШЫСЫ (ШАРБАҚТЫ АУДАНЫ)

Менің ойымша мұндай акциялардың берер пайдасы көп. Мысалы, бүгін біз көп ағаш дәнін ектік. Енді жақында олар ауданымыздың көркен келтіре түседі, әрі ауаның таза болуына септігін тигізеді.

Осылайша Шарбақты ауданының барлық мектептері туған өлкесін көгалдандыруға қамқорлық жасады.Айта кетейік, қарағай тұқымын контейнерлерге отырғызу жөніндегі экологиялық науқанның бастамашылары "Ертіс орманы" резерваты болып табылады.

Қымбат Садық