Қаламызда бір ай бойы қазақтың ұлттық аспабы домбыраға арналған көрме өтуде. Көрме күздің басына дейін жалғасады. Жаз мезгілінде демалыс басталысымен адамдардың мұражайға деген үлкен қызығушылығы артуда. Сонымен қатар, дәл осы уақытта туристер де көптеп келетіндігін мұражай маманы Айнұр Шақарова атап өтті.
Айнұр Шақарова, Майра Шамсутдинова атындағы ән-өнер шығармашылығы мұражай үйінің маманы:
Қалаға келген туристер міндетті түрде біздің мұражайға келеді. Оларды ұлттық аспап – домбыраның тарихы қызықтырады. Өйткені домбыра тек біздің елімізде ғана емес, барлық әлемде адамдар қолға алады.Тіаті басқа ұдт өкілдері домбыраны еркін шертеді. Сондықтан мұндай көрме жалғаса береді. Мамырда осы жерде «Павлодарочка» шығармашылық ансамблінің жеке заттарының көрмесі өтті. Олардың киімдері, алған медальдары қойылды.
Экспонаттар арасында ақын-импровизатор Құдайберген Алсейітовқа тиесілі домбыра мен атақты бүркітші Мауи Абеккевтің қалақ домбырасы бар.
Айнұр Шақарова, Майра Шамсутдинова атындағы ән-өнер шығармашылығы мұражай үйінің маманы:
Домбыра жинақталады. Сонысымен қызық. Құдайберген Алсейітов ақын-импровизатор, Иса Байзақовтың ұстазы болған. Біздің мұражайда ол кісінің домбырасы ең құнды музыкалық аспап болып саналады. Яғни, әр ақын өз аспабының басқа аспаптарға ұқсамастай етіп өзгеше жасаған.
Көрмеде павлодарлық шеберлердің жұмыстары да ұсынылған. Күз мезгіліне қарай «Беу, жігіттер» ұлттық фольклорлық ансамбль көрмесі тұрақты жұмыс істейді деп жоспарлануда. Қазіргі уақытта мұражайға ансамбль құрамының пайдаланған жеке заттары қойылған.
Аяулым РАХИМЖАНОВА