Ертіс ауданы Бұланбай ауылында көптен күткен қуаныш. Қыстың қақаған аязында өртеніп кеткен ескі мектептің орнына заманауи, жарық әрі кең жаңа оқу ғимараты салынды. Салтанатты ашылу рәсіміне облыс әкімі Асайын Байханов арнайы қатысып, ауыл тұрғындары мен оқушыларды құттықтады. Толығырақ тілші әңгімесінде.
Қаңтар айында отқа орынған Бұланбай мектебі 2010 жылы салынған еді. Жалпы ауданы 153 шаршы метр болатын бір қабатты ғимаратты қалпына келтіру мүмкін болмады. Бұл оқиға ауыл халқы үшін ауыр болғаны сөзсіз. Алайда сол сәтте жергілікті билік жаңа мектеп салуға уәде беріп, орындады. Жаңа оқу ордасының ашылу салтанатына өңір басшысы қатысты.
Асайын Байханов, Павлодар облысының әкімі
Өздеріңіз білетіндей қыстың дәл аязында ескі мектебіміз өртке оранып, ауыл шағын болғанымен ауылдың болашағына мектептің ордасы болмаса ауыр түседі. Дәл сол кезде өзімнің орынбасарымды жіберіп сіздерге ешқандай күмән болмасын жанып кеткен мектептің орынына біз жаңа оқу ғимаратын оқу шаңырағын құрамыз деген уәде берген едік. Сол уәдемізге берік болғанымызға қуаныштымыз. Ал сіздерге сабыллық пен шыдамдылық білдіріп, сенім артқаныңыз үшін шынайы алғысымды білдіремін.
Жаңа мектеп заман талабына сай жабдықталған. Кең сыныптар, оқу жабдықтары, жылыту жүйесі, ауыл балаларына сапалы білім алуға мүмкіндік береді. Мектеп оқушылары мен ауыл тұрғындары қуаныштарын жасырмады.
Қымбат Бекзат, Бұланбай ауылының тұрғыны
Мен көпбалалы анамын. Алтын алқа иегерімін Бұрынғы мектебіміз ескірек болды. Енд ол ескі деп неткен жоқпыз. Балалар білім алған балалар, ұстаздар білімін беріп, бірақ өкіншке орай өртеніп кетті қыстың күні жағдайды білесіздер. Асайын Қуандықұлына рақмет бір ауыздан жаңа мектеп тұрғызып беруді айтты. сөзін жерге тастаған жоқ. Жаңа мектеп тұрғызып берді. Ең бірінші рақметімізді сол кісіге. Кең жарық.
Ғимаратта 6 оқу кабинеті, мектепалды даярлық тобы, компьютерлік сынып, спорт және мәжіліс залдары, сондай-ақ оқушыларға арналған асхана бар.
Каусәр Жұмабай, Бұланбай ЖББМ 9-сынып оқушысы
Менің бұрынңы мектебім өте тар. Балаламен бірге бір столда отырып тамақтанатынбыз. Мектепте парта жетіспеушілігі көп болатын. Мектебіз жанып кетіп, көңілсіз оқиға болды. Жаман сезімде болдық. Қанша тар болса да сүйікті мектебіміз болды. Ол жерге өте суық болды.
Білім ордасында 20 бала білім нәрімен сусындайды. Олардың ішінде 5 оқушы бастауыш сыныпта білім алады. Ал қалған 15 шәкірт орта буын деңгейінде оқиды. Мектепте 11 педагог қызмет атқарады. Ашылу салтанатынан кейін келген меймандар жаңа мектеп ауласында ағаш екті. Кейінен шара концерттік бағдарламаға ұласты.
Әйгерім Тоқпанқызы