Павлдодар хаб орталығында жас IT мамандар стартап жобаларын ұсынды. Олардың жұмысын тәжірибелі мамандар баға берді. Жүлдегерлер сараланып, оларға сыйлықтар табысталды.
Ақпараттық технологиялар колледжінің студенті Жан Бейсекеев серверлерге арналған жылдам мониторинг жобасын таныстыруда. Командасымен бірге аз уақытта жасап шыққан. Айтуынша, жобаның тиімділігі - адамдардың уақыты мен ресурсын үнемдеуде.
Жан Бейсекеев, студент
Бізің артықшылық жылдамдығымызда. Уақытты үнемдеу және оңтайлылық. Басқа платформаларға арналған файлдар мен конфуиграцияларды бір ғана командамен қондырғылаймыз. Көптеген мониторингтік серверлер көп қаржы мен уақытты алады. Бұлай бомлауы тиіс.
Ұйымдастырушы «Павлодар хаб» орталығының айтуынша, осындай шаралар арқылы студент жастар стартап мәдениетін игеріп, тәжірибелі мамандардан кеңес алады. Бір-бірімен ой, идея алмасады. Яғни, мақсаттары бір жастар орта құрады.
Нұргүл Жұмадиева, «Pavlodar Hub» жетекшісі
Қазір біз «Стартап орда» бағдарламасына қатысушыларды іріктеп жатырмыз. Бағдарлама бойынша қатысушылар екі айдың ішінде өнімдерін жасап шығарады. Айти әлемдегі өнімді қолданысқа берудің кезеңдеріне дейінгі барлық сатылардан өтеді.
Бұл шараға жастар әр түрлі бағыттағы жобаларды ұсынды. Төрешелір саралап үш орын берді. Үшінші орынды «Uniaction» жобасымен Станислав Кириченко қанжығасына байлады. Екінші орын «Moniq SH» жобасы үшін Жан Бейсекеевке бұйырды. Ал, бірінші орынды «Open you» жобасымен Ислам Күленов иеленді.
Ислам Күленов, бірінші орын иегері
Мен «OPEN U» жобасын ұсындым. Бұл цифрлық технологияларды, компьютерлерді, планшеттерді, телефондарды дыбыс немес немесе визуал арқылы басқару. Яғни нашар көретіндер мен нашар еститіндерне арналған. Қимыл-қозғалысында проблемалары бар адамдар үшін де жарамды. Дыбыс арқылы белгілі бір қосымшаны іске қоса аласыз немесе көздеріңізбен басқаруға болады. Камера сіздің қай жаққа қарап тұрғаныңызды бақылап, мысалы, көзқарасыңызбен компьютердегі тышқанды қозғауға немесе телефондағы сенсорға басуға болады. Яғни, сіз алдымен көзқарасыңызды бағыттайсыз, сосын көзді жұмасыз, ол басылады, шерту жүзеге асырылады. Міне, осылай жұмыс істейді.
«Павлодар хабта» бұдан да бөлек апта сайын айти әлемін дамытуға арналған шаралар легі өтіп тұрады.
Жанасыл Серікбол