Әділет министрлігімен цифрландыру аясында бірқатар жаңашылдықтар енгізіліп жатыр. Енді автоматтандырылған ақпараттық жүйеде «Тараптар кабинеті» жүйесі іске қосылды. Онда борышкерлер мен өндіріп алушылар тиісті ақпараттарын қысқа уақытта ала алады.
Ағымдағы жылдың 3 шілдесінен бастап азаматтарға ыңғайлы болу үшін ҚР Әділет министрлігімен атқарушылық іс жүргізу органдарының автоматтандырылған ақпараттық жүйесінде «Тараптар кабинеті» онлайн-сервисі енгізілді. Сервиске қол жеткізу үшін атқарушылық іс жүргізу тараптары сайтта тіркелуі қажет.
Айнұр Канопьянова, Павлодар облысы әділет департаментінің бөлім басшысы
ҚР Атқарушылық іс жүргізу және сот орындаушылар заңнамасының 16 бабы аясында атқарушылық өндірістің тараптары материалдармен танысуға құқықтары бар. Яғни электронды форматта ақпарат алып, қосымша мәліметтер ұсына алады, өз пікірі ойымен бөлісуге құқылы. Осы ретте енді бұл процесс тараптар кабинетінде жүзеге асатын болады. Тараптар кабинетіне кіру үшін aisoip.adilet.gov.kz., Adilet мобильді қосымшасын жүктеп алыңыз және қосымшаның жеке кабинетінде авторизациядан өтуі керек.
Одан бөлек, сот шешімінінің орындалуына қатысты сұрақтар болса, борышкер немесе өндіріп алушы онлайн режимде сот орындаушы сұрақтарын қоя алады. Жауабын бұрынғыдай 15 күн емес, 5 жұмыс күні ғана күтеді. Тараптар кабинеті тәулік бойы, демалыссыз қолжетімді. Сондықтан борышкерлер мен өндіріп алушылардың сұрағына кез келген уақытта жылдам жауап бере алады.
Самал Қалиқызы