Павлодарлық ардагерлер Усолка мөлтек ауданында музыкалық кеш ұйымдастырды. Баянмен ән шырқап, өлеңдерін оқыды. Толығырақ тілші сюжетінде.
«Жақсылық жаса» әлеуметтік жобасы аясында жерлесіміз Майра Шамсутдинованың мерейтойына орай осындай музыкалық кеш ұйымдастырылды. Оған павлодарлық ардагерлер, зейнеткерлер келіп қатысты. Олар ортаға шығып әндерін айтып, өлеңдерін оқып берді.
Қият Құнанбайқызы, Павлодар қаласының тұрғыны
Біз мына 4-ші ауданның ардагерлер кеңесінен келіп отырмыз. Мына «Қызыл жарты ай» қоғамына қатынасайық деп келдік. Өте ризамыз, қуанып жатырмыз. Туған күндерге сыйлық беріп жатыр. Өзім де бір өлеңімді айтып, сыйлыққа ие болдым.
Жалпы шараны қалалық әкімдіктің тапсырмасымен «Қызыл жарты ай» қоғамы өткізді. Аталмыш жоба «Жан жылуы» бағыты аясында «Белсенді шаһар» шағын гранты арқылы қолға алынды. «Жасыл ел» павлодарлық жастар жасағы шараның басы қасында болды.
Гүлнар Исақанова, «Қызыл жарты ай» қоғамының ПОФ жетекшісі
Бұл іс шарада «Жақсылық жаса» жобасы аясында болып жатыр. Іс-шараны Майра Шамсутдинованың мерейтойына орайластырылды. Ардагерлерге арналған, сол кісілерді шақырып, осы іс шарамыз өтіп жатыр. Туған күн иегерлерін құттықтадық, қызыл ай қоғамы атынан табыстадық.
Ардагерлермен қатар жастар да шараға белсенді қатысты. Осылайша ұрпақтар сабақтастығы көрініс тапты.
Самал Қалиқызы