Павлодар облысында келер жылы коммуналдық саланы қамтитын инвестициялық жобаларға 109 млрд теңге жұмсалатын болады. Жобалардың бәрі жүзеге асса, желілердің тозуы 3 пайызға азаймақ. Бұл туралы «Энергетикалық, коммуналдық секторды модернизациялау» атты семинарда айтылды.
Өткен жылдың желтоқсан айында энергетика, коммуналдық секторлардың ұлттық жобасы енгізілген еді. Осы ретте жұмыс сапарымен ҚР Ұлттық Экономика министрлігі табиғи монополияларды реттеу комитеті төрағасының орынбасары келді. Ұлттық жобаның механизациялары түсіндірілді.
Қанат Құлназаров, ҚР ұлттық экономика министрлігінің табиғи монополияларды реттеу комитеті төрағасының орынбасары
2026 жылға Павлодар облысында коммуналдық секторға 109 млрд теңгеге инвестициялық жобалар жүзеге аспақ. Бұл мың шақырымнан астам инженерлік желілерді ауыстыруға мүмкіндік береді. Бұл тозуды 3 пайызға төмендетуі керек. Павлодар облысы бойынша орташа тозу 70 пайызды құрайды. Бұл көрсеткіш ел бойынша орташа. Кей жерлерде көп, кейлерде бұдан аз. 5 жылға жоспар бар, бұл тозуды бірқатар азайтады.
Семинарға жергілікті атқарушы органдар, табиғи монолиялар нысандары, құрылыс компаниялары, отандық өндірушілер,екінші деңгейлі банк өкілдері қатысты. Семинар барысында қаржыландыру, Ұлттық жоба аясында тарифтің бағасы бойынша сұрақтар көп түседі екен.
Серік Батырғұжинов, Павлодар облысы әкімінің бірінші орынбасары
Барлық саладағы Ұлттық жобалардың негізгі мақсаты - инженерлік инфрақұрылымды жаңарту, сенімділікті арттыру. Ал, сенімділікті арттыру үшін жаңа ынсандарды салу, ескілерін жөндеу. Экономика жақсарып келеді, жаңа шағын аудандар пайда болып жатыр. Сәйкесінше құбырлар, желілер тозып отыр. Ауа райы өзгерген кезде тіпті желілерді жөндеу керектігі байқалып қалады.
Семинар барысында Павлодар облысында энергетикалық, коммуналдық салада жүзеге асқан, алдағы уақытта асатын жобалар талқыланды. Желілердің тозуын азайту бағытында атқарылып жатқан жұмыстар талқыланды. Айта кетсек, көшпелі семинардың еліміздің барлық өңірлерінде өтіп жатыр.
Самал Қалиқызы