Павлодар облысында жеке тұрғын үй құрылысына осы жылы 104 жер телімі бөлінді. Биыл 62 мыңнан астам өтініш келіп түскен. Толығырақ тілші сюжетінде.
Ауыл шаруашылығы мақсатындағы жер телімдері 10 жылдан 49 жылға дейінгі мерзімге жалға беру құқығымен конкурс арқылы ұсынылады. 2024 жылы жалпы көлемі 212 мың гектарды құрайтын 609 жер телімі берілді. Оның ішінде 77 мың гектар — жер пайдаланушылардың өз еркімен бас тартуына немесе жалдау мерзімінің аяқталуына байланысты мемлекет меншігіне қайтарылған жерлер. 2025 жылға арналған ауыл шаруашылығы айналымына тарту жоспары — 180 мың гектар. Бүгінгі таңда 42,3 мың гектар немесе жылдық жоспардың 23,5%-ы игерілді.
Мұрат Хамитов, Павлодар облысы жер қатынастары басқармасының басшысы
Бүгінгі таңда Кәсіпкерлікті қолдау саласында жер телімін алудың екі тетігі қарастырылған. Азаматтар бос жер телімін өз бетінше таңдап, оны аукционға шығаруға ұсыныс бере алады. Сонымен қатар, жергілікті атқарушы органдар аукционға қойылатын жер телімдерінің тізімін қалыптастырады. Аукцион жеңімпазы ағылшын әдісі бойынша — бағаны көтеру арқылы анықталады. Жыл басынан бері облыста жалпы көлемі 105 гектарды құрайтын 107 жер телімі бойынша 36 аукцион өткізді.
Жеке тұрғын үй құрылысы бағытында 2025 жылдың өткен кезеңінде облыс бойынша 104 жер телімі бөлінді. ЖТҚ үшін жер алуға кезекте тұрған азаматтардың арнайы есебі Павлодар, Ақсу және Екібастұз қалаларында, сондай-ақ Баянауыл және Павлодар аудандарында жүргізіледі. Облыс бойынша жалпы 62 179 өтініш тіркелген. Атап айтқанда, Павлодар қаласында — 39 201, Екібастұзда — 11 585, Ақсуда — 5 924, Баянауыл ауданында — 4 242, Павлодар ауданында — 1 227. Қалған аудандарда жер телімдері өтініштердің түсуіне қарай беріледі.
Павлодар облысында ауыл шаруашылығы мақсатындағы жерлерді, кәсіпкерлікке арналған телімдерді және жеке тұрғын үй құрылысына (ЖТҚ) арналған учаскелерді қоса алғанда, әртүрлі санаттағы жер телімдерін беру бойынша жүйелі жұмыс жалғасуда. Жер қатынастары жөніндегі уәкілетті органдардың қызметіндегі басым бағыттардың бірі — пайдаланылмай жатқан жерлерді экономикалық айналымға тарту.
Самал Қалиқызы