Оқу жылының басталуымен еліміздің жоғары оқу орындарына жаңа студенттер лек-легімен келе бастады. Бұл кезеңде студенттер үшін ең өзекті мәселелердің бірі – жатақханамен қамтамасыз етілу. Биыл жатақхана бағаларында қандай өзгерістер бар? Бағалар студенттер үшін қолжетімді ме? Тілші әңгімесінде.
Студенттер үшін Торайғыров университетінде әлеуметтік қолдау шаралары қолға алынған. Мұнда 1, 2 және 3 топтағы мүгедектігі бар, ата-анасынан айырылған студенттерге 100 пайыздық жеңілдік қарастырылған. Сонымен қатар, белсенді жастарға 50 пайыз, көп балалы отбасылардан шыққан студенттерге 20 пайыздық жеңілдік бар. «Серпін» бағдарламасы бойынша келген студенттер 100 пайыз баспанамен қамтылады.
Нұрхан Ералы, С.Торайғыров университетінің студенттер қауымдастығының төрағасы
Қазіргі таңда Торайғыров университеті 3 жатақханамен қамтамасыз етілген. 1460 орын бар.1 курстан 5 курсқа дейін студенттерді орналастырамыз. Бізде арнайы студенттерге кітапхана, коверкингтер бар. 1 және 2 жатақхананың бағасы жылына 14800 теңге, ал 3 жатақхана 110 000 теңге.
Павлодар педагогикалық университеті де жаңа оқу жылына дайын. Мұнда да студенттерге барынша қолайлы жағдай жасалған.
Тоқтар Әубәкір, Ә. Марғұлан атындағы №2 жатақхананың әлеуметтік мәселелері бойынша маманы
Біздің педагогикалық университетте қазіргі таңда 2 жатақхана бар. Екінші жатақхана жаңа мұнда 475 студент орналасады. Студенттер тарапынан шағым жоқ, жазғы уақытта жөңдеу жұмыстары жасалған.
Жатақхана бағалары былтырмен салыстырғанда кей оқу орындарында сәл көтерілген. Бірақ бұл инфрақұрылымның жаңартылуы мен қызмет сапасының жақсаруымен байланысты.
Ділшат Қошан, студент
Мен Талдықорған қаласынан келдім.1 курстамын.Квота бәрі бар. Ішінде былай қарасам бәрі бар, керемет удобно. Бір бөлмеде екі адамнан өте ыңғайлы.туалеті, душы бәрі бар.маған пока что бәрі ұнап жатыр.
Гүлжанар Тұрымбетова, ата-ана
Түркістан облысы Арыс қаласына келіп отырмын.Павлодарға яғни қызым грантқа түскен боатын.Универдің ішімен танысып, жатақханасы өте таза әрі ыңғайлы. Студентердің қауіпсуіздігін қамтамасыз етеді екен.11 ден кейін ешқайда шыға алмайды. Бізде 20 пайыз жеңілдік.Жатақхана 148 мың болса 20 пайызбен 118 мың шығады бізге өте кереметт мүмкіндік.
Қорыта келе, биыл жатақхана бағалары кейбір оқу орындарында аздап қымбаттаған. Дегенмен, студенттер мен ата-аналар жасалған жағдайға көңілдері толатындарын айтады. Арнайы жеңілдіктер, заманауи инфрақұрылым және қауіпсіздік шаралары – студенттердің алаңсыз білім алуына қолайлы орта қалыптастыруда.
Дильназ Қуанышбекқызы