2025 жылғы 22 тамызында Еліміздің Бас мемлекеттік санитарлық дәрігері 2025-2026 жылғы эпидемиологиялық маусымда тұмау және өзге де жұқпалы ауруларға қарсы іс-шаралары қорғану жөніндегі қаулыға қол қойды. Қаулыда ағымдағы жылдың 15 қыркүйегінен бастап тиісті контингент үшін тұмауға қарсы егу науқанын жүзеге асыру және өзге де шараларға дайындығы туралы да айтылды.

Атап айтқанда қазанның бірінен бастап медицина қызметкерлеріне бетперде кию режимін енгізу, медициналық ұйымдардың жіті респираторлық вирустық инфекциялармен және тұмаумен ауыратын науқастарды қабылдауға дайындығы мәселесі қаулыда көрсетілген. Жұқпалы тұмауға күдігі емделушілер емхана кіреберсінде бірден сүзгіден өтеді. Медициналық ұйымдар дизинфекция жұмысын күшейтіп, дәрі-дәрмекпен қамтылуы қадағаланады.

Зәмзәгүл Досжанова, Павлодар облысы санитарлық-эпидемиологиялық бақылау департаменті басшысының орынбасары

Тұмау, жіті респираторлық вирустық инфекциялар және COVID-19 белгілері бар жүкті әйелдер мен 1 жасқа дейінгі балаларға үй жағдайында бірінші кезектегі күтімді ұйымдастыру, олардың күнделікті күтімін және уақтылы ауруханаға жатқызылуын қамтамасыз ету мәселесі де қаралды. Медицина ұйымдары білім және әлеуметтік мекемелердегі темперетуралық мониторигті жүргізуі қажет. Епке алғандардың тізімін де анықтауы тиіс.

Қыркүйек айының он бесінен бастап тәуекел тобындағы адамдар екпе алуы тиіс. Балабақшаларды бақылау күшейтіледі. Тәрбиеленушілердің жағдайы күнделікті бақылауда болады.

Зәмзәгүл Досжанова, Павлодар облысы санитарлық-эпидемиологиялық бақылау департаменті басшысының орынбасары

Бір инкубациялық кезең ішінде бір сыныптағы оқушылар арасында жіті респираторлық вирустық инфекциялардың 20-дан 30%-ға дейінгі жағдайын тіркеген кезде жалпы білім беру ұйымдарында күнтізбелік он күн ішінде жаңа балаларды сабаққа қабылдауға тыйым сала отырып, сыныптық оқыту жүйесін жою ұсынылады.

Тұмаумен сырқаттанушылық пен асқынуларды азайтудың бірден-бір тиімді шарасы – вакцинация. Дүниежүзілік денсаулық сақтау ұйымының ұсыныстарына сәйкес, халықтың кем дегенде 10% екпе алуы керек. Биыл облыста тұмауға қарсы 80 мың доза вакцина сатып алынды. 2025 жылдың 15 қыркүйегінен бастап облыста қауіпті топтарды тұмауға қарсы иммундау басталады.

Жанасыл Серікбол