Тереңкөл ауданында күзгі егін ору науқанына дайындық қызу жүріп жатыр. Биыл ауданда жалпы 294,9 мың гектар ауыл шаруашылығы алқаптарында егін жиналады деп күтілуде. Астық дақылдарының көлемі 145,6 мың гектарды құрайды. Толығырақ келесі сюжетте.
Тереңкөл ауданында күзгі орақ науқанына дайындық жоғары деңгейде. Егістік көлемінің ұлғаюы мен әртараптандыру шаралары өңір ауыл шаруашылығын жаңа деңгейге шығаруға бағытталған. Шаруалар мен жергілікті билік бірлесіп, өнімділікті арттыру мен нарық сұранысына бейімделуге күш салып отыр.
Азамат Маңғұтов, Тереңкөл ауданының әкімі
Тамыз айында жауын-шашынға байланысты кестеден ауықкулар болды. Қазіргі кезде шығымы да жақсы. 10-12 гектар жерге 12 цейнтнер жоспар бар алуға. Жалпы біз 3 000 гектарға егін алқабын ұлғаттық әсіресе ол майлы дақылдар. Былтырға жылмен салыстырғанда біз майлы дақылдарды 30 мыңға артық жоспарлап отырмыз.Ал дәнді дақылдар 145 мың. Жалпы есеппен 294 мың гектар егін оруды жоспарлап отырмыз.
Ауданда мал шаруашылығы да қарқынды дамып келеді. Мал азығын дайындау бойынша жоспар 80% орындалған. Қазір ауданда 24 мың бас ірі қара, 11 мыңнан астам жылқы бар.Мал шаруашылығын қолдау мақсатында “Ауыл аманаты” және “Кең дала-2” бағдарламалары аясында 2 миллион теңгеден астам мемлекеттік көмек көрсетілді.
Жұмағали Таукенов, «Тереңкөл ауданы кәсіпкерлік және ауыл шаруашылығы бөлімі» ММ басшысы
Осы жылы Тереңкөл ауданында 300 мыңға жуық астық жинау керек. Нақтырақ айтқанда 315 гектар жерге егістік егілді. Былтырғы жылмен салыстырғанда 11 мың гектарға көп. Биылғы жылы әртараптандыру жоспарына сәйкес 145 мың гектарға дәнді дақылдардың егіс көлемі азайтылды.Оның ішінде 130 мың гектардан астам жерге майлы дақылдар егілді. Майлы дақылдар ішінде, әрине, ауыл шаруашылығы тауарын өндірушілердің басым бөлігі күнбағысқа басымдық береді.115 мың гектар жерге күнбағыс егілді.
Мал азығын дайындау үшін 76,8 мың га шабындықтың 70 мың гектары орылып, жоспардың 91,2% орындалды. Жалпы 69,4 мың тонна шөп дайындау көзделген, қазір 60,5 мың тонна дайын, яғни 87,2% орындалды. Орташа өнімділік – 6,0 ц/га.Жайылымдық жерлерден – 2,5 мың га, өнім – 2,8 мың тонна, өнімділік – 25 ц/га.Суармалы жер көлемі – 8,1 мың гектар.
Максим Щербак, «Құндыз» ЖШС басшысы
Қазіргі уақытта ерте себілген егінді жинау жүріп жатыр – бұл сәуір мен мамыр айының басында себілген дақылдар. Ал орташа және кеш себілген егін әлі піскен жоқ, дайын емес, сондықтан біраз күту қажет. Қыркүйек айында біз дәнді дақылдарды толық жинап аламыз. Шаруа қожалығында жалпы егіс алқабы – 10 мың гектар. Біз дәнді дақылдарды өсірумен айналысамыз, негізінен бидай егістікте айналымда бар. Сондай-ақ күнбағыс пен картоп өсіреміз.
Ауданда сыйымдылығы 127 мың тоннаны құрайтын 73 өнім сақтайтын қойма бар. Дайындығы – 100%. Ауданда жалпы өнімділігі сағатына 560 тонна болатын 26 астық кептіргіш пайдаланылады. Бүгінгі күнге дейін 26 шаруашылықтан астық кептіруге өтінім түсті, оның ішінде 3-уі – газбен жұмыс істейтін кептіргіштер. КХ «Құндыз», КХ «Алекпаров», ФШ «Комаров» 210 тонна газ-пропанға өтінім берген.
Дильназ Қуанышбекқызы