Павлодарда көп қабатты үйде газ баллонын пайдаланған тұрғындар анықталды. Олар Мойылды ауылындағы тұрғын үйлерде көгілдір отынды қолданған. Төтенше жағдайлар мамандары рейд барысында 6 тұрғынға заң талабын бұзғаны үшін айыппұл салды.
Төтенше жағдайлар мамандары Қарағанды облысында болған қайғылы оқиғадан кейін газ балонын қолдану бойынша рейдік шаралар жүргізді. Нәтижесінде Мойылды ауылындағы 5 қабатты үйлердің бірінде тұрғындар газ балонын пайдаланған.
Мамандардың ескертуін елемеген тұрғындар айыппұл арқалайтын болды. Заң бойынша 2 қабаттан жоғары ғимараттарда газды қолдануға болмайды. 2012 жылы газды қолдану ережелеріне өзгертулер енгізілген болатын.
Өткен жылы Павлодар қаласында газ жарылудың 5 дерегі тіркелді. Салдарынан 2 адам жарақат алған. Ал апаттың бірі жоғарыда айтылған Мойылды ауылындағы көп қабатты үйде болған.
Өзгеріс Қуанар ЕА.