Жаңа оқу жылының басталуымен жоғары сынып оқушыларының автобус карталары бұғатталады. Оқушылар мектептен анықтама алып, оны жаңартуы керек. Толығырақ келесі сюжетте.
Жаңа оқу жылының басталуымен карталарды пайдалану мерзімінің аяқталуына байланысты көлік карталарын бұғаттау жүргізіледі. Яғни 9, 10, 11, 12-сыныпқа ауысқан оқушылар мектептен анықтама әкеліп, көлік картасының жұмысын жалғастыру қажет.
ТАЛҒАТ ТОҚТАҒАНОВ, «SMART AVTOBYS PV» ЖШС ДИРЕКТОРЫ
Карталарды ауыстыру керек жоқ. Тек қана осы тамыз айда анықтамалармен келіп жаңарту керек. Неге десеңіз анықтамалар мектепте 2023-2024 жылға дейін істелген. Содан кейін жаңа анықтама алу керек. 9 сынып бітіргендер колледжге барады. Оларға тегін жүруге болмайды. Кім 9-сынып бітірді колледжге барды солай төлейді. Олар 100 теңге төлеу керек.
Биыл 11-12 сыныпты аяқтап кеткендердің де карталары автоматты түрде бұғатталады. Себебі олар не жоғары оқу орнына түсті, не жұмысқа орналасуы мүмкін дейді компания басшысы. Ал, басқа сыныптың оқушыларына бұл қатысты емес.
ТАЛҒАТ ТОҚТАҒАНОВ, «SMART AVTOBYS PV» ЖШС ДИРЕКТОРЫ
Бірақ сыныптың балаларына ол керек жоқ. Мысалы 1 сыныпты бітірген бала. Анықтама алу керек. Бірақ біздің контролерлер көреді ғой. Бірден көрінеді. Ал, 7 сыныптан асқан балалар анықтамалар қажет. Сол үшін біз жазғанбыз.
Басында қала тұрғындары арасында дау туғызған автобус карталары қазір әп-әжептеуір жүйеге енді. Жаңа жүйе біздің облысқа 2021 жылдан бастап енгізілді. Қазір еліміздің бірқатар қалалары жолақысын осылай қабылдайды.
ТАЛҒАТ ТОҚТАҒАНОВ, «SMART AVTOBYS PV» ЖШС ДИРЕКТОРЫ
Біздің система Семей, АСтана, Қонаев, Орал, Ақтөбе, Шымкентте істейді. Біздің стандарттық картамен осы қалада жол ақысын төлеуге болады. Қазір 31 мың транзакция зейнеткерлер жасайды күніне, 20-21 мың транзакция, оқушылар, 10 мың әлеуметтік карталар, 160 мыңдай стандарттық төлем болады. Бірақ көктем қыста көп кісілер жүреді.
Айта кетсек, картаны Шөкин көшесі, 31 мекенжайында орналасқан «Smart Avtobys PV» ЖШС-ның кеңсесінде ауыстыруға, жаңартуға, сатып алуға болады.
Самал Қалиқызы