Нағымбек Нұрмұхаммедов атындағы Павлодар облыстық көркемсурет музейінде Қазақстандық суретші Виктор Поликарповпен кездесу өтті. Шараға өнер және мәдениет саласының мамандары мен студенттер қатысты.
Виктор Поликарпов – суретші, өнер әлемінде ерекше қолтаңбасы бар тұлға. Оның туындылары өңірде ғана емес, ел көлемінде танымал болып, көрмелерге жиі қойылады. Суретшінің жұмыстары түрлі елдердің жеке коллекцияларында бар. Ол талай жыл Павлодар облысының атынан республикалық және халықаралық байқауларда өз туындыларын ұсынды.
ВИКТОР ПОЛИКАРПОВ, ҚР СУРЕТШІЛЕР ОДАҒЫНЫҢ МҮШЕСІ, СУРЕТШІ
Өмірімде болған кейбір оқиғаларға байланысты, біріншіден, облысымыздың құрметті азаматын марапаттау, тағы басқа да бірнеше оқиғаларға байланысты кездесу өтіп жатыр. Міне бұл залда адамдардың жиналғанына өте қуаныштымын. Бұл жерде менің жұмысымның шағын экспозициясы қойылды. Сондай-ақ, Павлодардан тыс жерлерде қойылған жұмыстарымның көрмелері ұсынған.
Виктор Поликарповпен өткен кездесуде оның шығармашылығы мен өмірі жолы жайлы кеңінен айтылды. Шара аясында шағын экспозиция қойылды. Экспозицияның мақсаты - Виктор Поликарповтың мұрасын ұрпаққа насихаттап, оның еңбектеріне құрмет көрсету болды.
ВИКТОР ПОЛИКАРПОВ, ҚР СУРЕТШІЛЕР ОДАҒЫНЫҢ МҮШЕСІ, СУРЕТШІ
Міне, біз үнемі кездесетін зиялы қауыммен, сондай-ақ студенттермен кездесу өтуде. Мен көпшіліктің келгеніне өте қуаныштымын. Олар әрине жай сөйлесіп қана қоймай, тыңдап, өздеріне қызықты сұрақтарын қоя алады. Ал мен қуана-қуана сұрақтардың барлығына жауап беремін.
Айта кетейік,суретшінің «Құрмет Белгісі» ордені, «Еңбек ерлігі үшін» медалі, «Облысқа сіңірген еңбегі үшін» төс белгісі, Астана қаласы Суретшілер Одағының «Құрмет» белгісі бар.
Сабина Жолдаспаева