Павлодар қаласында екі жасар қызға қол көтеріп, екі бұғанасын сындырған өгей әке ұсталды. Дәрігерлердің айтуынша баланың денсаулығы тұрақты. Бұл жағдай құқық қорғау органдарының бақылауына алынды.
16 қаңтарда Павлодар облыстық балалар ауруханасына әйел екі жасар баласын әкелген. Бала төсектен құлап, бұғанасын ауыртып алғандығын айтқан. Алайда, дәрігерлер тексеру барысында баланың денесінен ұрып-соғу белгілерін тапты.
СЕРГЕЙ САМЕЦ, ТРАВМАТОЛОГ-ДӘРІГЕР
Бала тексерістен өтіп, рентгенге жіберілді. Рентген екі бұғана сүйектерінің жабық сынуын көрсетті. Сонымен қатар, баланың маңдайында гематома бар екені байқалды. Мен анасынан не болғанын сұрадым. Анасының айтуынша, бала төсектен құлап, кейін осы жарақаттар пайда болған. Баланың жағдайы тұрақты болған соң, әрі қарай амбулаторлық бақылауға жіберілді.
Келесі күні анасы қайтадан ауруханаға барып, қызын өгей әкесі ұрғанын айтты. Екі бұғанасының сынуынан басқа, қыздың қол-аяқтарында, құлақтарда көптеген көгеру мен гематома бар екені анықталды. Баланың денесіндегі жарақат іздері де бұл болжамды растап отыр. Құқық қорғау органдары күдіктіні тез арада қолға түсірді.
ЖАНАР БЕЛЯЛОВА, ПАВЛОДАР ОБЛЫСЫ ПОЛИЦИЯ ДЕПАРТАМЕНТІНІҢ РЕСМИ ӨКІЛІ
Денсаулыққа қасақана зиян келтіру фактісі бойынша қылмыстық іс қозғалды. Күдікті ұсталып Павлодар облысы полиция басқармасының уақытша ұстау изоляторына қамалды.
Бұл оқиға қоғамда үлкен наразылық тудырды. Құқық қорғау органдары мен дәрігерлер мәселені ерекше бақылауда ұстап отыр. Баланың жағдайы тұрақты, ал тергеу жұмыстары жалғасуда.
Сабина Жолдаспаева