Осыдан екі жыл бұрын энергетиктер мен кеншілер қаласында техногендік апат алып, халық жылусыз қалды. Екібастұздың қазіргі ахуалы қандай? Қанша шақырым құбыр жаңарып, қазандық жөнделді? Бұл сауалға «Әкім сағаты» жобасына қатысқан Екібастұз қаласының әкімі Аян Бейсекин жауап берді.

Отын энергетика орталығы саналатын Екібастұз қаласында төтенше жағдайдан кейін желілер жаңартылып, қазандықтары жөнделді. Жылыту маусымы қалыпты өтуде деді қала әкімі.

АЯН БЕЙСЕКИН, ЕКІБАСТҰЗ ҚАЛАСЫНЫҢ ӘКІМІ

100 км ден аса жылу желілері жөнделді. Оның ішінде ағымды, реконструкция бар. Станциядағы 10 қазандық толығымен жөндеуден өтті. Биылғы жылы жоспарланған қосымша... енді 1 қазандықта жөндеу жалғасуда. Оны амандық болса жоспарға сәйкес желтоқсан айында тәмәмдайтын боламыз.

Бұған қоса, өлкеде мемлекеттік жобалар іске асырылып келеді. Көші-қон саясаты орындалып, ауылдық аймақпен қалаға жүзден аса азамат қоныс аударған.

АЯН БЕЙСЕКИН, ЕКІБАСТҰЗ ҚАЛАСЫНЫҢ ӘКІМІ

Көші-қон саясатымен біз белсенді түрде айналысудамыз. Өздеріңіз білесіздер кадрлық потенциалды жоғарлату бойынша ауданымызда ауқымды міндеттер тұр. Өңірізде ірі ірі жобалар жүзеге асырылуда. Оның бәрі нақты кадр талап етеді. Оңтүстік, Батыс Қазақстан өңірлерінен көші қон бағдарламасы бойынша көпбалалы отбасыларды көшірудеміз. Биылғы жылдың өзінде қандастардың қатарынан 20 шақты. .. отбасылар көшіріліп жатыр.

Жол азабын жүрген білер демекші, Бесқауға, Басқамыс ауылдарына апарар жол талай жыл жөнделмеген еді. Былтыр 21, биыл 41 шақырым асфальт төселді. Бұл бастама ГРЭС1 станциясына апаратын жолда да орындалды.

АЯН БЕЙСЕКИН, ЕКІБАСТҰЗ ҚАЛАСЫНЫҢ ӘКІМІ

Бұдан басқа Ақкөл ауылында 8км жол жасадық. Биыл Құлакөл ауылына 5 км жол жасадық. ГРЭс2 Сарғамыс бағытындағы 5 км жолды толығымен аяқтадық. Оның барлығы үлкен қаражатты қажет етті. .. алдағы уақытта айналысу керек ол мәселелермен.

Сондай-ақ қала орталығында аулалар абаттандырылып, әлеуметтік нысандар жөнделді. Желтоқсан айының соңында мемлекет басшысының тапсырмасы бойынша салынып жатқан балалар шығармашылығы үйі және қаланың басты қақпасы, теміржол бекетінде жөндеу жұмыстары аяқталады күтілуде.

Әйгерім Тоқпанқызы