Арнайы жедел әрекет ету жасағы тағы бір игі істі қолға алды. Жасақ құрамы балалар үйінің аумағын қардан тазалап берді. Толығырақ тілшіміз айтсын.
Павлодар облыстық мамандандырылған балалар үйінің аумағы екі гектарға жуық. Биыл қардың қалың түсуіне байланысты, бұл аумақты тазалау да оңай болмай тұр. Сондықтан көмекке Павлодар облыстық полиция департаментінің арнайы жедел әрекет ету жасағы келді.
ЖАЛҒАС БАХТИЯРОВ, ПД АРНАЙЫ ЖЕДЕЛ ӘРЕКЕТ ЕТУ ЖАСАҒЫНЫҢ ВЗВОД КОМАНДИРІ
Балалар үйіне келдік сәбилер үйіне. Көмектесіп қайтайық деп. Идеологиялық мақсатта. 20 шақты қызметкеріміз бар, соларды алып келдік. Көмектесіп жіберуге.
Жалпы жасақтың 20 маманы қолына күрек алып, балалар ойнайтын аумақты қардан тазалады.
БАҒДАТ КЕНБАЕВА, ПАВЛОДАР ОБЛЫСТЫҚ МАМАНДАНДЫРЫЛҒАН БАЛАЛАР ҮЙІНІҢ БАСШЫСЫ
Балалар үйінің қызметкрелері мен тәрбиеленушілері атынан жедел әрекет ету жасағының қызметкерлеріне алғыс айтамыз. Биыл қар өте көп жауды. Біздің бір аула тазалаушымыз үлгермей жатыр. Сондықтан міне бізге келіп көмектесті, сол үшін рахмет айтамыз.
Айта кетейік, мамандандырылған балалар үйінде 50-ге жуық 1 мен 4 жастағы бала тұрады. Олар қатарында мүмкіндігі шектеулі балалар да бар.
Самал Қалиқызы