Павлодарда республикалық хакатон басталды. Шараға жиыны 16 команда қатысуда. Екі күндік шара аясында ақпараттық технология саласының болашақ мамандары тапсырма орындап сайысып қана қоймай, өздерінің IT жобаларын да ұсынады.
Шара әйгілі ғалым, академик Қаныш Имантайұлы Сәтбаевтың 125 жылдығына және еліміздің цифрландыру күніне арналды. Хакатонға республиканың әр облысы мен қалаларынан командалар жиналды.
Хакатон - IT әлемінің мерекесі. Бұндай бас қосу өзара тәжірибе алмасу, шыңдалу жолында маңызды дейді қатысушылар.
Шара екі күнге созылады. Жеңімпаздар анықталып, қаржылай марапатқа ие болады. Жалпы жүлде қоры 3 млн теңге.
Жанасыл Серікбол