Күзгі жиын терім жұмыстары аяқталды. Енді шаруалар қыс бойы көктемгі дала шараларына техникаларын әзірлейді. Осы ретте Шарбақты шаруаларының жағдайы қалай? Тілшіміз айтсын.
«Вигис» ЖШС осыдан 15 жыл бұрын құрылды. Шаруалар алғашқыда жердің 400 гектарын игерді. Қазір бұл аумақ әлдеқайда ұлғайған.
ВИКТОР ГРИГОРОВ, «ВИГИС» ЖШС БАСШЫСЫ
Бидай, сұлы, күнбағыс, қарақұмықты егеміз. Үш мың гектарға жуық күнбағыс ектік. Ұжымда 45-50 шақты адам еңбек етеді. Олар мында тұрақты түрде жұмыс жасайды. Қыста техникаларды жөндейміз, келесі маусымға дайындаймыз. Жазда сол егістік жұмыстарын жүргіземіз.
Аталған шаруа қожалықта 26 тұқым себу техникасы, 9 комбайн, 11 трактор және басқа да техникалар бар. ЖШС басшысы алдағы уақытта егістік алқаптарын арттырып, бұдан да көп адамды жұмыспен қамтуды жоспарлап отыр.
ВИКТОР ГРИГОРОВ, «ВИГИС» ЖШС БАСШЫСЫ
Бізде комбайындарымыз жаңа. Міне көрініп тұр. Ішінде жылытқышы, ауа салқындатқышы бар. Жұмыскерлер үшін барлық жағдай жасалған.
Ал, «Зерно» шаруа қожалығы 2023 жылы құрылды. Мында қазір 20-дан астам адам еңбек етіп отыр.
Қожалықта мемлекеттік қолдау аясында жаңа комбайндар, тракторлар, астық кептіргіштер сатып алынды.
Самал Қалиқызы