Павлодарда шахматтан мектеп олимпиадасының облыстық кезеңі өтті. Бәсі жоғары сайысқа 100 - ге жуық шаршы тақта шеберлері жиналды. Жеңімпаздар республикалық кезеңге жолдама алады.
Елімізде шахмат спортынан әлемге танымал жас жұлдыздар көп. Бәрі де осындай турнирлерде топ жарып, әлемдік аренада танылғандар. Бұл сайыста 20 ға жуық команда ат салысты. Бәрі де топ жарып, табысқа жетуден үмітті.
Бұл бәсекеде бапкерлер де, оқушылар да бір командада өнер көрсетіп, жеңіске ұмтылады. Әр ұтымды жүріс биік белеске бастар қадам. Сондықтан, бәрі де ережені ұстана отырып, ұтқыр ойын көрсетуге тырысады.
УЛЬЯНА ЗАХАРОВА, БАС ТӨРЕШІ
Барлығы 7 тур ойын болады. Бәсеке биік деңгейде, қайшылықсыз өтеді деп ойлаймын. Астана қаласына Павлодар облысының намысын биік деңгейде қорғай алатын мықтылар іріктелетіндігіне сенімдімін...В Астану 01.09
Әр жеңіс команданың қоржынына ұпай салады. Сондықтан, мұғалімдер де, оқушылар да бар біліктерін көрсетпек. Шаршы тақтаның ой шеберлері осылайша облыста кімнің мықты екендігін анықтайды.
Жанасыл Серікбол