«Жасыл Ел» жастар еңбек жасақтарының қалалық ХХ маусымының жабылу салтанаты өтті. Бұл шараға өңірдегі белсенді жастар, жетекшілер мен арнайы қонақтар қатысты. Толығырақ келесі сюжетте.
«Жасыл Ел» еңбек жасағының қатысушылары елді мекендерді көгалдандыру, экологиялық тазарту шаралары мен көптеген игі бастамаларды іске асыруға атсалысты. Ұйымдастырушылардың айтуынша, осы жылғы маусым ерекше белсенділікпен және жоғары нәтижелермен есте қалды.
АРИНА КРАСКОВА, «ЖАСЫЛ ЕЛ» ЖАСАҒЫНЫҢ КОМАНДИРІ
Бізде осы уақыт аралығында Жасыл ел сарбаздарының қатарында 40 мыңға жуық жас жігіттер мен қыздар жұмыс істеді. Олар үш бағытта жұмыс жасайды. Абаттандыру, құрылыс және жастар шығармашылығы бағыттары бойынша жүрді. Павлодар облысында бізде 120-ға жуық жасақ жұмыс істеді. Яғни, 2000-нан астам сарбаз болды.
Шара аясында жасақ құрамындағы белсенділерге алғыс айтылды. Жастардың маусым бойы атқарған еңбектері жоғары бағаланды.
АЙНАГҮЛ СӘРСЕМБАЕВА, ПАВЛОДАР ҚАЛАЛЫҚ ІШКІ САЯСАТ БӨЛІМІНІҢ БАСШЫСЫ
Біздің сарбаздарымыз ең керемет жандар. Біз сіздердің арқаларыңызда тек сенбіліктерде ғана емес, басқа да игі істер жасап жүрміз. Сіздер еріктілер ретінде өздеріңізді ең жоғары деңгейде көрсеттіңіздер. Сіздерге алғысымыз шексіз. Себебі сіздердің арқаларыңызда біздің қала еліміздегі ең таза қалалардың бірі болып саналады.
Жиын барысында сарбаздар маусымның ерекше сәттерін еске алды. Олар қала мен ауылдарды көгалдандыру, қоғамдық орындарды тазарту, табиғатты қорғау сияқты жұмыстардың қоғамға тигізген пайдасы мен маңыздылығын атап көрсетті.
ДИНАРА СҮНДЕТ, «ЖАСЫЛ ЕЛ» ЖАСАҒЫНЫҢ САРБАЗЫ
Биылғы жылы өңіріміздің өркендуіне бағытталған жасыл ел бағдарламасына қатысқаныма өте қуаныштымын. Біздің жасақ университет аумақтарының жөндеу жұмыстарымен айналысты. Жаңа достар таптық. Шараларға қатыстық. Бір бөлігі болғанына қуаныштымын. Қазіргі таңда табиғат ластануы мәселе болад. Өз үлесімді қосып, басқа балаларды шықырғым келеді.
Салтанатты жиын барысында белсенді қатысушылар марапатталып, олар өз еңбектері үшін алғыс хаттар мен құрмет грамоталарын алды.
Сабина Жолдаспаева