Биыл облыс орталығында ауқымды абаттандыру жобалары атқырылады. Мәселен, 15 көшенің жолы орташа жөндеу жұмыстарынан өтеді. Жолдар асфальтталып, тротуарлар салынады. Лермонтов көшесіндегі ауқымды абаттандыру жобасын аяқтау міндеті де тұр. Қала тұрғындары үшін тағы қандай игіліктер жасалмақ? Тілшіміз тарқатсын.
Облыс орталығында көше жолдарын жөндеу жұмыстары қазірдің өзінде жүріп жатыр. Дәлірек айтқанда, көше жолдарындағы ой-шұңқырлар жамалуда. Ал, орташа жөндеу және асфальттау жұмыстары алдағы уақытта басталады. Жолдардан бөлек, трауорлар, әлеуметтік нысандардың аулалары жаңартылады.
Ұлттық жол активтері орталығының ұсынысы бойынша биыл жол құрылысына ұсақ тасты мастикалық асфальтты қолданылады. Бұған дейін ұсақ түйіршікті ыстық асфальт қолданылған. «Жаңа үлгідегі асфальт облыстың ауа райы жағдайына сай келеді» - деді спикер. Климаттың шұғыл континентті болуына байланысты асфальт тез бүлінеді. Ұсақ тасты мастикалық асфальт тығыз болғандықтан, климатқа неғұрлым бейім болмақ. Ал, жол төсеу технологиясы бұрынғысынша қалады. Облыс орталығында жол құрысынан бөлек, бірқатар аулаларда ойын алаңдары, шағын скверлер өзге де нысандар жобасы іске асады.
Бұдан да өзге қала тұрғындарына қажетті жұмыстар жасалу жоспарланып отыр. Оның ішінде былтыр басталғандары да бар. Биыл мәреге жетіп, толық қолданысқа берілмек.
Лермонтов көшесін абаттандыру жобасы аясында 38 мың шаршы метр тротуар плитасы орнатылып, асфальт жабыны толық ауыстырылады. Ағаш отырғызылып, балалар ойын алаңы салынады. Бір сөзбен айтқанда қала тұрғындарының серуендеуіне арналған орындарының бірі болады деп жоспарлануда.
Жанасыл Серікбол