Облыстық қорғаныс істері департаменті алаңында 20 жігітті әскер қатарына шығарып салу рәсімі өтті. Жас сарбаздар Отан алдындағы борышын қарулы күштері десанттық -шабуылдаушы әскерінде, Қонаев қаласында өтейді.
Салтанатты шараға облыстық қорғаныс істері жөніндегі департамент өкілдері, Ауған соғысы ардагерлері, сарбаздардың ата-аналары жиналды. Отан қорғаушыларға ақ жол тіледі. Айта кетейік биыл өңірден шекара қызметіне, қарулы күштер қатарына, және ұлттық ұланға 679 ге жуық азамат шақырылады.
ҚУАТ ЖАҚАНОВ, ПАВЛОДАР ОБЛЫСЫ ҚОРҒАНЫС ІСТЕРІ ЖӨНІНДЕГІ ДЕПАРТАМЕНТ БАСШЫСЫНЫҢ ОРЫНБАСАРЫ
Осы Қонаев қаласына Павлодар облысынан 40 адам әскерге жібереміз. Одан басқа Алматы қаласына 30 адам жібереміз. Одан кейін теңіз әскери Ақтау қаласына жібереміз. Қарулы күштер қатарына көбінесе Абай облысы Өскемен қалаларына жібереміз. Сыныптастарымен болсын жібереміз. Осындай жоспарлар жүргізіліп жатыр қазіргі таңда.
Десанттар – жедел бірлестік. Шұғыл тапсырмаларды орындауға әрдайым дайын болуы керек. Олар – ел қорғанында. Оған бойы 175 см-ден кем болмайтын аяқ қолы балғадай, мығым жігіттер таңдалады.
ТАННҰР ТӨЛЕУТАЕВ, ПАВЛОДАР ҚАЛАСЫНЫҢ ТҰРҒЫНЫ
Отан алдындағы борышын өтеу әр азаматтың парызы. Осы міндетімді абыроймен атқарамын деп ойлаймын. Елімді, туған жерімді қорғау менің мақсатым. Әскери борышымды өтеп келгеннен кейін полицияда еңбек еткім келеді.
Қазір жастар өз еркімен әскерге барамын деп алдарына биік мақсат қойған. Себебі, әскери борыш- абыройлы міндет. Айта кетейік, Қорғаныс министрлігінің бекітілген бұйрығына сәйкес 6 ай әскери борышын өтеген сарбаз қалаған қаласында әскери бөлімге ауысып, келісіп шартқа отыра алады. Яғни, әскери қызметкер болады.
Әйгерім Тоқпанқызы