Қазақстанға көшіп келушілер үшін жаңа әрі жайлы мекен табу маңызды. Ертіс ауданы Қарақұдық ауылына 2 жылда 46 қандас көшіп келген екен. Бұл қоныс ауылдың дамуына едәуір ықпал еткені анық. Толығырақ әріптесім тарқатсын!
Зәйтімхан Шайзадаұлы өз әулетімен Қазақстанға көшіп келгеніне бір жыл болды. Айтуынша, ата қонысқа оралуды аңсаған. Немерелерінің болашағын өз елімен байланыстырғысы келген кейіпкеріміз бірден көшіп келуге шешім қабылдаған. Моңғолияда тұрғанда ат бегілікпен айналысқан екен. Бұл ата кәсіпті тарихи отанында жалғастырмақ.
Зәйтім ақсақал кәсібін ары қарай жалғастыру үшін екі құлын сатып алып, асырап отыр. Мемлекет тарапынан көрсетілген қолдау арқасында тұрғындар өз тұрғылықты жерінде жұмысқа орналасып, кәсіптерін дамыту мүмкіндігіне ие.
Айта кетейік, алыстан ат арбалап келген ағайын, елдімекенде ұлттық салт-сана мен дәстүрді жаңғыртуда.
Байтұрсын Жұмабай