Атаулы жыл аясында жұмысшы мамандықтардың рөлін көтере отырып, жастарды еңбек нарығында сұраныста болатын түрлі кәсіптерді игеруге тарту, мүмкіндік жасау маңызды. Мұның аясында дәнекерлеу ісі мамандығында білім алып жүрген студенттермен сұхбаттастық. Олар болашағын бұл мамандықпен қалай байланыстырады? Толығырақ алдағы материалдан көрейік.
Кәсіптік колледждерде студенттер дәнекерлеу ісінің қыр-сырын үйренеді. Олар заманауи құрал-жабдықтармен жұмыс істеп, тәжірибелік дағдыларын шыңдайды. Оқу барысында теория мен практиканы ұштастырады. Бұл болашақта тұрақты жұмысқа орналасуға үлкен мүмкіндік береді. Темірлан Жантемір – осы мамандықты таңдаған студенттердің бірі. Ол дәнекерлеу ісіне бала кезінен қызыққан.
ТЕМІРЛАН ЖАНТЕМІР, СТУДЕНТ
Дәнекерлеу ісіне өзім 7 сыныптан бастап қызығушылық таныттым. Себебі 7сыныптан бастап өз әке-шешеме көмектесемін деп сабақтан кейін жұмысқа кірісе бастағанда. Сол кезде дәнекер ісі кездесті. Меннен басқа ешкімде дәнекерлеу ісіне деген қарым қаынастары болмады.
Қай уақытта да құрылыс, жөндеу және өндіріс салаларында кәсіби мамандарға сұраныс бар. Бұл кәсіп ерлерге ғана емес, қыздарға да тән. Қазіргі таңда қыздар да осы саланы таңдап, білікті маман атанып келеді. Солардың бірі – Ангелина Катюкова.Ол колледждің 2-курс студенті.
АНГЕЛИНА КАТЮКОВА, СТУДЕНТ
Мен осы екі жылда бұл мамандықты таңдағаныма еш өкінген емеспін. Әрине, кез келген мамандықтың өзіндік қиындықтары бар. Бірақ дәнекерлеу ісінің артықшылықтары көп. Біріншіден, бұл – жоғары жалақы төленетін сала. Екіншіден, зауытқа орналасуға мүмкіндік бар, ал зауытта жұмыс істеудің өз артықшылықтары бар. Мен үшін бұл мамандықтың ешқандай қиындығы жоқ.
Жұмысшы мамандықтарына деген сұраныс жыл сайын артып келеді. Әсіресе, дәнекерлеу ісін жетік меңгерген мамандар әрқашан қажет. Ал студенттер өз таңдауларына бек сенімді.
Сабина Жолдаспаева