Қараша айында Павлодар облыстық филармониясының камералық хоры көпшілікке мюзиклдер бағдарламасын ұсынбақ. Хор ұжымы қазір қызу дайындық үстінде.
Хор ұжымы алдағы айда болатын айрықша концертке күн сайын тынбай дайындалуда. Көптеген танымал мюзиклдер орындалады. Америкалық және орыс мюзикльдері көпшілікке ұсынылады. Ал, қазақ мюзикльдерін өздері құрастырып алғаш рет тыңдармандарға ұсынбақ.
Мадина Нұрғожинова, И. Байзақов атындағы павлодар облыстық филармониясы камералық хорының көркемдік жетекшісі:
Қазақстанда мюзклдер бұған дейін жазылмаған. Қазір оны өзіміз жазудамыз. Ноталарды дайындап жатырмыз. «Дос Мұқасан» фильмі бойынша бір номер, сосын «Шәмші Қалдаяқов» спектакльі мен «Тақиялы періште» фильмі бойынша Қазақстан мюзикльінің бағдарламасын дайындаймыз.
Сонымен қатар, «Ла ла Лэнд», «Анна Карениа» сияқты мюзиклдер де тыңдарман қауымға ұсынылады. Хор ұжымы барша өнер сүйер қауымды қараша айында өтетін ғаламат концертке шақырады.
Жанасыл Серікбол