Құрылыс құжаттарында кемшілік табылмады
Қалалық сот баспасөз қызметінің ақпаратынша, «Павлодар-Су арнасы» ЖШС желілері өтетін аумақта тиісті рұқсат қағаздарсыз үй салына бастаған. Алайда келісімшартта жер учаскісін сатып алу процесі 2021 жылдың 1 мамырда болғаны жазылған. Сондай-ақ, қала тұрғыны Сәулет және қала құрылыс бөлімінен барлық рұқсат құжаттарын алған. Оның ішінде жобалау, эскиздік жұмыс жобалары бар. Сондықтан құрылысты заңсыз деуге болмайды.
Руфат Ерғалиев, Павлодар қалалық сотының баспасөз хатшысы:
Кәріз құбыры бір ғана үйдің астынан өтеді. Жауап беруші сәулет пен қала құрылысы бөлімінен барлық құжаттар алған. Оның ішінде сәулеттік жоспарлау құжаты да бар. Осылайша сот талапты қабылдамады.
Самал Қалиқызы