Грецияда Павлодарлық суретшінің жұмысы бағаланды

Болар бала болмысынан. Грецияда өткен картиналар көрмесінде павлодарлық суретші Софья Чумақтың жұмысы жұртшылықты таңырқатты. Жас суретші мұндай мүмкіндікті халықаралық байқауда жеңіп алған.

София Чумак 7 жасынан бастап сурет сала бастаған. Ол өзінің жетістіктері үшін ұстазына алғыс білдіреді. Тынымсыз еңбектің арқасында шеберлігімді жетілдіріп, Грецияда көрме өткізуге қол жеткіздік, дейді жас суретші.

Софья Чумак, студент:

Байқауға жіберетін жұмысымды өнер мектебі таңдады. Суретім мақұлданып, диплом келді. Бұл жұмысты дайындауға шамамен екі-үш ай жұмсадым.

Қылқалам шебері суретінде римдік жауынгердің сауыт-саймандарын бейнелеген. Байқау тапсырмасында натюрморт салу талап етілген. Өнерлі қыз бұған дейін де көрмелер мен байқауларда бой көрсеткен. Бүгінде жеткен жетістіктері аз емес.

Анжелика Бамбулак, балалар өнер мектебінің мұғалімі:

Ол өте еңбекқор қыз, ақылды. Өзінің шығармашылығымен ерекшеленеді. Жеткен жетістігімен тоқтап қалмайды. Үнемі шығармашылық ізденісте.

Софияның арманы – жеке көрме ашып, ең таңдаулы туындыларын көпшілік назарына ұсыну. Келесі жылы бұл мақсатын жүзеге асыруды жоспарлап отыр. Жас суретшінің қоржыныда жүзден астам туынды бар.

Ақмаржан Қалымбек, Артур Поляков