Павлодар облысының үздік педагогтары 3 миллион 600 мың теңгемен марапатталды. Өңірдің білім саласына зор үлес қосқан 11 мұғалім осындай сыйды иеленді. Облыс әкімінің қатысуымен өткен салтанатты шара жайлы тілшіміз айтсын.

Дәстүрлі түрде ұстаздар күні қарсаңында облыс әкімінің қатысуымен салтанатты марапаттау шарасы өтті. Аймақ басшысы білім нәрімен сусындап, талай шәкіртті тәрбиелеген ұстаздар қауымына алғысын білдірді.

АСАЙЫН БАЙХАНОВ, ПАВЛОДАР ОБЛЫСЫНЫҢ ӘКІМІ

Ардақты ұстазлдар! Адаминың адамшылдығы жақсы ұстаздан. Еңбектеріңіз үшін сіздерге шексіз алғыс айтамын. Баршаңызға мықты денсаулық тілеймін.. Мереке құтты болсын.

Сондай-ақ, ұстаздарға «Облыс алдында сіңірген еңбегі үшін» және «Павлодар облысының білім беру саласына қосқан үлесі үшін» төсбелгілері табысталды. ҚР Білім Министрінің атынан ерекше көзге түскен мұғалімдер «Еңбек ардагері», «Ыбырай Алтынсарин» және «Білім беру ісінің құрметті қызметкері» атақтарының иегерлері атанды. Осындай марапатқа ие болғандар қатарында Қанат Құспеков те бар. Ол машина жасау колледжінің ұстазы.

ҚАНАТ ҚҰСПЕКОВ, ПАВЛОДАР МАШИНА ЖАСАУ КОЛЛЕДЖІНІҢ МҰҒАЛІМІ

Студенттердің оқуы үшін оқу құралдарын, электронды оқу құралдарын, оқу бағдарламаларын жасадым. Осы еңбегім үшін мені марапаттап жатыр. Облыс әкімдігі менің облыстың білім саласына қосқан үлесімді ескергендігі қуантады. Алғысым шексіз. Қуаным тұрмын.

Мектепке дейінгі білім беру саласына үлес қосып отырған педагогтер де әркез назарда. Олардың жасап отырған жұмысы ауыр, сондықтан ерекше құрметті қажет етеді.

МАҚПАЛ СЫРЫМБАЕВА, ПАВЛОДАР ҚАЛАСЫ №8 СӘБИЛЕР БАҚШАСЫНЫҢ ТӘРБИЕШІСІ

Бұл кезең үш кезеңнен тұрды. Қалалық, облыстық, республикалық. Ерекшеліктері болды. Жеңіске жеткеніме қуаныштымын. +++Мектепке дейін ұйымның педагогы болу. Ол бізге мәртебе десек болады. Баланы жасатйынан дамытамыз. Өзі ойын толық жеткізуді үйретіз. Оның бәрі ойын түрінде үйретіледі.

Жалпы бұл күні өңірдің 71 мұғалімі өзінің кәсіби мерекесінде марапатқа ие болды. Олардың 11-і үздік деп танылды, еңбегі үшін облыс әкімі 3,6 миллион теңге сыйға тартты. Салтанатты шара концерттік бағдарламаға ұласты.

Самал Қалиқызы