Бұдан кейін, Мойылды ауылында халық әртісі Кәукен Кенжетаев есімі берілген мәдениет үйі ашылды. Оның ашылу салтанатын біздің түсірілім топ тамашалап қайтты.

Ұлттық мереке күнінде есігін айқара ашқан рухани орталық ауыл тұрғындарын қуанышқа кенелтті. Игілігі мол шараның ашылу салтанатына өңір басшысы қатысып, нысанды аралап көрді. Зал құрылысында кемшілік бар екенін тілге тиек етті.

Асайын Байханов, Павлодар облысының әкімі:

Менің ойымша біраз бұл жерде бір екі маған ұнамаған нәрселер бар. Бірақ бұны түзетуге болады. Ескертулер бар. Мынаған кілем төсеу керек. Дыбысқа жаман әсер етеді ғой. Қабырғаларына акустикалық панельдерді қою керек. Дыбысты қайтаратын.

Бұдан кейін жылу тарату торабына барды. Айта кетейік, ауданы 1500 шаршы метрді құрайтын жаңа ғимарат сұйытылған газ қазандықтары арқылы жылу таратады. Бұл өңір бойынша экологиялық технологияны қолданған алғашқы әлеуметтік нысан.

Жеңіс Әбікен, Мойылды ауылының әкімі:

Бұл қазандықтар қуаттылығы қанша шаршы метр соған байланысты шығар. 2300 шаршы метрге. Ал біздікі 1500 шаршы метр. Мынау резерв. Қатты аяз күндері мынаны қосуға болады.

Мәдениет үйінің құрылыс былтыр басталған. 870 млн теңге жұмсалыпты. Қаражат «Ауыл-ел бесігі» бағдарламасы бойынша республикалық бюджет есебінен бөлінген. Төрт үйірме жұмыс істейді. Алдағы уақытта басшылық, үйірмелер санын көбейтуді көздеп отыр.

Перизат Құрманәліқызы, К.Кенжетаев атындағы мәдениет үйінің басшысы:

Қуанатын себебіміз, мұнда ешқашан мәдениет үйі болмаған. Сол бағытқа бағыттайтын жұмыс жасайтын боламыз.

300 орынға шақталған ғимараттың шаңырағы биік, керегесі кең. 6 сынып оқушысы Елжан Өнерханұлы домбыра үйірмесіне қатысады.

  Елжан Өнерханұлы, Мойылды ауылының ЖОББМ 6-сынып оқушысы:

Мәдениет үйінің ашылғаны өте жақсы болды. Осы жерде мұрагер Өте жақсы. Мен көп күй ойнаймын деп үміттенемін. Әртүрлі конкурстардың жүлдегері боламын деп үміттенемін.

Елді мекенде бұрын соңды клуб болмаған. Мерекелік іс шаралардың бәрі далада немесе ауыл кітапханасында өтетін. Бүгін кең әрі ашық сахна төрінде ауыл өнерпаздары мерекелік концерт ұйымдастырды.

Әйгерім Тоқпанқызы