Қазақстанда құмар ойындар мен лотерея мәселелеріне қатысты түзетулер күшіне енді. Енді мемлекеттік қызметкерлерге құмар ойын ойнауға тыйым салынады. Павлодар облысының мемлекеттік қызметшілері арасында осындай фактілер тіркелген бе? Оның алдын алу мақсатында қандай шаралар қолға алынып жатыр? Сюжеттен көріңіздер.
2024 жылдың 8 шілдесінде Мемлекет басшысы «Қазақстан Республикасының кейбір заңнамалық актілеріне ойын бизнесі, лотерея қызметіне өзгерістер мен толықтырулар енгізу туралы» Заңға қол қойды.Атап айтқанда, ойындарға және бәс тігуге тыйым салынған адамдардың тізімі кеңейтілді. Мемлекеттік қызметкерлер - ерекше назарда.
АСХАТ ЕСКЕНДІРОВ, ҚР МЕМЛЕКЕТТІК ҚЫЗМЕТ ІСТЕРІ АГЕНТТІГІ ПАВЛОДАР ОБЛЫСТЫҚ ДЕПАРТАМЕНТІНІҢ БАСШЫСЫ
Өздеріңіз білетіндей БАҚ-та басқа облыстарда осындай деректер бар. Бірақ қазіргі кезде жаңа заң қабылданды. Заңға норма қосылды. Мемлекеттік қызметшілерге құмар ойындарға профилактикалық жұмыстар жүргізу бойынша және салынбау жөнінде арнайы норма бар. Сол заңды түсіндіру бойынша осындай жұмыстар атқарудамыз.
Осылайша Достық үйіндегі форумға мемлекеттік қызмет істері агенттігі, экономикалық тергеп-тексеру департаменті, мемлекеттік қызметшілер қатысты. Онда өзге өңірдердегі жағдайларды сынға алып, профилактикалық шаралар айтылды. Сонымен, Павлодар облысында мемлекеттік қызметкерлердің құмар ойындарға қатысы бар, ойнайды деген фактілер тіркелмеген. Алайда облыста биыл бір онлайн казиноның жұмысы тоқтатылды.
СЕРІК МУСЛИМОВ, ПАВЛОДАР ОБЛЫСЫ ЭКОНОМИКАЛЫҚ ТЕРГЕП-ТЕКСЕРУ ДЕПАРТАМЕНТІНІҢ БАСҚАРМА БАСШЫСЫ
Павлодар облысының аумағында негізгі серверді ұйымдастырған азаматтар анықталды. Ол бүкіл республиканы қамтыған. Колл орталық пен бағдарламашылар, айти мамандары осы Павлодарда болған. Казино мен покер ойынын ұсынған. Топ ұсталды. Сотқа дейінгі тергеу жұмыстары жүріп жатыр. Олар Қазақстан Республикасының және көршілес мемлекеттердің азаматтары. Жалпы 5 адам.
2023 жылы жасырын покер ойынын ұйымдастырған азамат ұсталды. Іс сотқа жіберілді. Ал, онлайн казино бойынша фактілер тіркелмеген.
Самал Қалиқызы